Koha Avtomatlaşdırılmış Kitabxana İnformasiya Sistemi, Xagani, 57, Baku (2026)

19/06/2026

"Azərbaycanın taleyini dəyişən zəfər tarixi" adlı tədbir keçirilib

İyunun 12-də İsmayıllı rayon Heydər Əliyev Mərkəzində 15 İyun – Milli Qurtuluş Günü münasibətilə "Azərbaycanın taleyini dəyişən zəfər tarixi" adlı tədbir keçirilib.

Tədbir İsmayıllı rayon Mərkəzləşdirilmiş Kitabxana Sisteminin, İsmayıllı rayon Heydər Əliyev Mərkəzinin və Azərbaycan Respublikası Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin Qəbələ Regional İdarəsinin İsmayıllı rayonu üzrə nümayəndələrinin birgə təşkilatçılığı ilə baş tutub.

Öncə tədbir iştirakçıları Mərkəzin foyesində Ümummilli Lider Heydər Əliyevin həyat və fəaliyyətini əks etdirən kitablar, sənədlər və fotolardan ibarət sərgi ilə tanış olublar. Sonra mərkəzin ekspozisiya zalında Ulu Öndərin irsi ilə bağlı ekskursiya təşkil olunub.

Mərkəzin zalında davam edən tədbir Ulu Öndər Heydər Əliyevin və Azərbaycanın ərazi bütövlüyü uğrunda şəhid olmuş qəhrəmanların xatirəsinin bir dəqiqəlik sükutla yad edilməsi ilə başlanılıb. Ardınca "15 İyun – Milli Qurtuluş Günü" münasibətilə hazırlanmış müstəqil dövlətimizin qurucusu, Ümummilli Lider Heydər Əliyevin xalqımız qarşısındakı xidmətlərini, eyni zamanda, Zəfərə gedən yolu özündə əks etdirən "Qurtuluşdan inkişafa" sənədli filmi nümayiş etdirilib.

Tədbirdə Dağlıq Şirvan Regional Mədəniyyət İdarəsinin İnzibati-təşkilati işlər sektorunun baş mütəxəssisi Nilufər Mursəliyeva, İsmayıllı rayon Mərkəzləşdirilmiş Kitabxana Sisteminin direktoru Orxan Ağayev və Azərbaycan Respublikası Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin Qəbələ Regional İdarəsinin İsmayıllı rayonu üzrə nümayəndəsi Samir Zülfiyev bu günün tarixi haqqında ətraflı çıxış ediblər.

Çıxış edənlər bildiriblər ki, 1993-cü ilin 15 iyun tarixi Azərbaycan xalqı üçün təkcə bir siyasi dönüş nöqtəsi deyil, həm də milli dövlətçilik ideyalarının gerçəyə çevrildiyi gün kimi tarixə düşüb. Ulu Öndər Heydər Əliyevin siyasi hakimiyyətə qayıdışı ilə ölkədə baş alıb gedən anarxiya və qarşıdurmalara son qoyulub, dövlətçiliyin təməli möhkəmləndirilib, sabitlik təmin edilib. Azərbaycan müstəqil inkişaf yoluna qədəm qoyub. Qazanılan bütün nailiyyətlərin əsasında Ümummilli Lider tərəfindən müəyyənləşdirilən siyasi kurs və Prezident cənab İlham Əliyevin bu siyasi kursu uğurla davam etdirməsi faktı dayanır. Ölkə başçısının bu siyasəti uğurla həyata keçirməsi nəticəsində Azərbaycan dünyada dinamik inkişaf edən, modernləşən, beynəlxalq miqyasda nüfuzu gündən-günə artan dövlətlərdən birinə çevrilib və ötən dövr ərzində böyük iqtisadi uğurlara imza atılıb. Azərbaycan Respublikasının Prezidenti, Silahlı Qüvvələrin müzəffər Ali Baş Komandanı cənab İlham Əliyevin rəhbərliyi və yenilməz, rəşadətli Azərbaycan Ordusunun misilsiz qəhrəmanlığı nəticəsində Azərbaycan xalqı 44 gün ərzində ərazi bütövlüyünü bərpa edib. Hər bir azərbaycanlının qəlbində yüksək qürur hissləri yaradan şanlı və tarixi qələbəmiz Azərbaycan xalqında milli oyanışa, yeni bir dirçəlişə, birliyə səbəb olub.

19/06/2026

"Narkomaniyaya yox deyək" adlı dəyirmi masa keçirilib.

18 İyun 2026-cı il tarixdə Gəncə - Daşkəsən Regional Mədəniyyət İdarəsinin tabeliyində fəaliyyət göstərən Goranboy Rayon Mərkəzləşdirilimiş Kitabxana Sisteminin Qızılhacılı qəsəbə Kitabxana filialı və Qızılhacılı qəsəbə Milli Qəhrəman Kazımağa Kərimov adına Diyarşünaslıq Evinin əməkdaşlarının birgə təşkilatçılığı ilə qəsəbə kitabxanasında Narkomaniyaya və Narkobiznesə qarşı Beynəlxalq Mübarizə Günü münasibətilə "Narkomaniyaya yox deyək" adlı dəyirmi masa keçirilib. Tədbirdə Qızılhacılı qəsəbə sahə rəisi polis kapitanı, polis leytenantı , icra nümayəndəsi ,Qızılhacılı qəsəbə kitabxana filialının müdiri və Diyarşünaslıq Evinin metodisti mövzu ətrafında geniş məruzələr çıxış ediblər. Çıxışda qeyd edilib ki, narkomanlıq müasir dövrdə son dərəcə mürəkkəb və ictimai təhlükəli hadisədir. Narkomaniya əsrin bəlasıdır və onun qarşısının alınmasının əsas məqsədi sağlam mühit və sağlam gələcək formalaşmaqdır. Bu baxımdan cəmiyyətdə və ona yaxın ətrafında sağlam həyat tərzinin təbliği və zərərli vərdişlərə qarşı profikaktik tədbirlərin həyata keçirilməsi böyük əhəmiyyət daşıyır.Həmçinin bildirilib ki, sağlamlıq insanın yalnız xəstə olmaması deyil, həm də onun fiziki, psixoloji və sosial rifah halıdır. İnsan üçün ən böyük sərvət həyatdır, həyatda ən vacib olan isə sağlamlıqdır. Narkotik maddələr yalnız onlardan istifadə edən şəxslər deyil, onların ailə üzvlərinə də mənfi təsirlərə məruz qoyur, ailələrin rifahına və cəmiyyətin sağlam inkişafına ciddi zərər vurur. Tədbirin sonunda iştirakçılar arasında mövzu ilə bağlı fikir mübadiləsi aparılıb narkomaniyaya qarşı mübarizədə maarifləndirmə işlərinin əhəmiyyəti bir daha vurğulanıb.

17/06/2026

Bakı şəhər Xətai rayon MKS-də 26 İyun – Narkomaniya və Narkobiznesə qarşı Beynəlxalq Mübarizə Günü ilə əlaqədar "Zərərli vərdişlərə Son!" başlığı altlnda tədbir keçirilib.
Tədbirdə Xətai rayon İcra Hakimiyyəti başçısı Aparatının Ərazi-təşkilat və İctimai-siyasi və humanitar məsələlər sektorunun baş məsləhətçisi, Rayon İcra Hakimiyyətində yaradılmış Məişət zorakılığının qarşısının alınması sahəsində Monitorinq və əlaqələndirmə qrupunun katibi T. Kərimzadə, Xətai rayon Polis İdarəsinin Yetkinlik yaşına çatmayanlara profilaktik işin təşkili bölməsinin inspektoru E. Muxtarov, Narkomanlığa və narkotik vasitələrin qanunsuz dövriyyəsinə qarşı mübarizə üzrə komissiyanın üzvü Ə.Nəbizadə, 6 nömrəli şəhər poliknikasının həkimi F. Hidayətova iştirak ediblər.
Tədbirdə çxışçılar tərəfindən narkomaniya, onun doğurduğu fəsadlar, narkotiklərin insan orqanizminə məhvedici təsiri, cəmiyyətə və insanların sağlamlığına ziyanı, törətdiyi sosial bəlalar, mövcud problemlər və onların aradan qaldırılması yolları barədə məlumat verilib.

17/06/2026

16.06.2026-cı il tarixində Gəncə-Daşkəsən Regional Mədəniyyət İdarəsi Goranboy rayon Heydər Əliyev Mərkəzində İnsan Hüquqları Aylığı Çərçivəsində Heydər Əliyev Mərkəzi ,Mərkəzi Kitabxana ,Şəhər Kitabxana filialı və Goranboy rayon gənc könüllülərinin iştirakı ilə “İnsan hüquqları ləyaqətli həyatın təminatıdır” adlı maarifləndirici tədbir keçirilib.

Tədbirin məqsədi insan hüquq və azadlıqlarının qorunmasının əhəmiyyəti, vətəndaşların hüquq və vəzifələri barədə iştirakçıların məlumatlandırılması, cəmiyyətdə hüquqi maarifləndirmənin artırılması olmuşdur.

Çıxış edənlər insan hüquqlarının bəşəri dəyərlər sistemində mühüm yer tutduğunu, hər bir insanın yaşamaq, təhsil almaq, əmək fəaliyyəti ilə məşğul olmaq, fikir və söz azadlığı kimi fundamental hüquqlara malik olduğunu vurğulamışlar. Bildirilmişdir ki, ölkəmizdə insan hüquqlarının təmin olunması və müdafiəsi istiqamətində ardıcıl tədbirlər həyata keçirilir.

Tədbir zamanı mövzu ətrafında fikir mübadiləsi aparılmış, iştirakçıları maraqlandıran suallar cavablandırılmışdır.

Sonda iştirakçılar insan hüquqlarının qorunmasının hər bir cəmiyyətin inkişafı və insanların ləyaqətli həyat sürməsi üçün əsas şərtlərdən biri olduğunu qeyd etmişlər.

16/06/2026

"SƏMƏD VURĞUN: ANA DİLİNİN TƏRƏNNÜMÇÜSÜ" ADLI ƏDƏBİ-BƏDİİ TƏDBİR KEÇİRİLİB

İyunun 16-da Masallı rayon Mərkəzi Kitabxanasında görkəmli Azərbaycan şairi Səməd Vurğunun 120 illik yubileyinə həsr olunmuş "Səməd Vurğun: Ana Dilinin Tərənnümçüsü" adlı ədəbi-bədii tədbir keçirilib.
Tədbir gənc nəslin nümayəndələri arasında ədəbi yaradıcılığın təşviqi, onların yaradıcılıq fəaliyyətinə cəlb olunması, ana dilinə və milli ədəbi irsə marağın artırılması məqsədilə təşkil olunub.
Tədbirdə Masallı Dövlət Regional Kollecinin tələbələri, rayonun ümumtəhsil məktəblərinin müəllimləri iştirak ediblər.

Tədbirdə çıxış edənlər Səməd Vurğunun Azərbaycan ədəbiyyatının inkişafındakı müstəsna xidmətlərindən, zəngin yaradıcılıq irsindən və milli-mənəvi dəyərlərin təbliğindəki rolundan bəhs ediblər. Çıxış edənlər şairin əsərlərində vətənə məhəbbət, insanpərvərlik, ana dilinə hörmət kimi ali dəyərlərin geniş əks olunduğunu diqqətə çatdırıblar.
Natiqlər həmçinin ana dilimizin qorunması və zənginləşdirilməsinin vacibliyini vurğulayaraq, gənclərin mütaliəyə, bədii yaradıcılığa və ədəbi fəaliyyətə cəlb edilməsinin əhəmiyyətindən danışıblar. Bildirilib ki, belə tədbirlər gənclərin dünyagörüşünün formalaşmasına, milli-mədəni irsimizin daha dərindən mənimsənilməsinə mühüm töhfə verir.
Tədbir zamanı tələbələr tərəfindən Səməd Vurğunun şeirləri bədii qiraət olunub, onun yaradıcılığı ətrafında fikir mübadiləsi aparılıb. Tədbir çərçivəsində Səməd Vurğunun kitablarından ibarət sərgi stendi də təşkil olunmuşdur.

16/06/2026

Bakı şəhəri Xətai rayon MKS-nin Mərkəzi Kitabxanasında "İnsan hüquqlarının təşviqi" başlıq altında tədbir keçirilib.
Kitabxananın medodisti F. Məmmədova çıxışında qeyd edib ki, Ulu Öndərin insan hüquqları sahəsində müəyyən etdiyi uğurlu siyasətin davamlılığını təmin edən və müasir dövrün çağırışlarına uyğun şəkildə inkişaf etdirən Prezident İlham Əliyevin 2007-ci il 18 iyun tarixli Sərəncamı ilə 18 iyun Azərbaycanda İnsan Hüquqları Günü kimi təsis edilib.

13/06/2026

Xətai rayon MKS-in Mərkəzi Kitabxanasının əməkdaşı, tərtibatçı Rəssam Vəfa Sayılova 15 İyun Milli Qurtuluş gününə həsr olunmuş vidroçarx hazırlamışdır.

13/06/2026

15 İyun – Milli Qurtuluş Gününə həsr olunmuş tədbir keçirilib

Xaçmaz rayonunda “Şəhərsalma və Memarlıq İli” çərçivəsində Rayon İcra Hakimiyyəti və Yeni Azərbaycan Partiyası Xaçmaz rayon təşkilatının birgə təşkilatçılığı ilə 15 İyun – Milli Qurtuluş Günü münasibətilə təntənəli tədbir keçirilib.

Tədbirdə Xaçmaz Rayon İcra Hakimiyyətinin başçısı Elnur Rzayev, Yeni Azərbaycan Partiyası Xaçmaz rayon təşkilatının sədri Məhəmməd Balaqadaşov, yerli hüquq-mühafizə orqanlarının rəhbərləri, şəhid ailələri, qazilər, mədəniyyət işçiləti, partiya fəalları və rayon ictimaiyyətinin nümayəndələri iştirak ediblər.

Tədbir iştirakçıları əvvəlcə Ümummilli Lider Heydər Əliyevin abidəsini ziyarət edərək önünə tər çiçəklər düzüb, Ulu Öndərin xatirəsini ehtiramla yad ediblər.

Rəsmi hissədə Azərbaycan Respublikasının Dövlət Himni səsləndirilib. Ümummilli Lider Heydər Əliyevin və şəhidlərin əziz xatirəsi bir dəqiqəlik sükutla yad edilib.

Tədbirdə çıxış edən Xaçmaz Rayon İcra Hakimiyyətinin başçısı Elnur Rzayev 15 İyun tarixinin xalqımızın yaddaşında əbədi qaldığını vurğulayıb. Qeyd edib ki, məhz Ümummilli Lider Heydər Əliyevin xalqın təkidli tələbi ilə hakimiyyətə qayıdışı ölkəmizi parçalanmaq və müstəqilliyini itirmək təhlükəsindən xilas edib. Bu gün Prezident İlham Əliyevin rəhbərliyi ilə Ulu Öndərin siyasi kursu uğurla davam etdirilir və ölkəmizin qazandığı möhtəşəm nailiyyətlər məhz həmin tarixi qurtuluşun bəhrəsidir.

Yeni Azərbaycan Partiyası Xaçmaz rayon təşkilatının sədri Məhəmməd Balaqadaşov çıxışında partiyanın fəaliyyət istiqamətlərindən, Ümummilli Liderin ideyalarına sadiqlikdən və bu gün gənclərin siyasi fəallığının artırılmasından danışıb. O, 15 İyunun təkcə bir tarix deyil, həm də xalqımızın iradəsinin və dövlətçilik ənənələrinin təntənəsi olduğunu bildirib.

Tədbirdə həmçinin partiya fəalları və ictimaiyyət nümayəndələri çıxış edərək, tarixi əhəmiyyət kəsb edən bu günün mahiyyəti, ölkəmizdə yaranmış sabitlik və inkişaf prosesi barədə fikirlərini bölüşüblər.

Sonda rayonun ictimai-siyasi həyatında fərqlənən bir qrup şəxsə fəxri fərman və xatirə hədiyyələri təqdim olunub.

Tədbir musiqili proqramla davam edib. İfa olunan nəğmələr və rəqslər iştirakçıların bayram əhvali-ruhiyyəsini daha da yüksəldib.

12/06/2026

Mərkəzi Kitabxanda 15 İyun Milli Qurtuluş Gününə həsr olunmuş tədbir keçirilib.
Tədbirdə ilk olaraq Ulu Öndər Heydər Əliyevin və dövlətin müstəqilliyi, ərazi bütövlüyü uğrunda canını fəda etmiş qəhrəman Azərbaycan oğullarının əziz xatirəsi bir dəqiqəlik sükutla yad edilib.
Tədbir Ulu Öndər Heydər Əliyevin və dövlətin müstəqilliyi, ərazi bütövlüyü uğrunda canını fəda etmiş qəhrəman Azərbaycan oğullarının əziz xatirəsinin bir dəqiqəlik sükutla yad edilməsi ilə başladı.
Tədbiri giriş sözü ilə açan kitabxananın direktoru Heydər Əliyevin Vətəni üçün, xalqı üçün doğuldugunu, Vətənin, xalqın tərəqqisi, inkişafı, azadlığı, müstəqilliyi üçün çalışdığını, Ulu Öndərin respublikaya rəhbərlik etdiyi uzun illər ərzində gördüyü nəhəng işləri ilə xalqın qəlbində özünə əbədi abidə ucaltdığını bildirib.
Heydər Əliyev ideyasının ən uğurlu və ən parlaq nümunəsi Azərbaycan tarixinə qızıl hərflərlə yazılan 44 günlük Vətən müharibəsi olub. Ordumuzun parlaq qələbəsi şanlı tariximizdə “ Zəfər Qələbəsi ” kimi yadda qalıb.
Sonda kitabxana əməkdaşı çıxıs edərək bildirib ki,Ulu Öndərin böyük ideyalarını layiqincə davam etdirən Müzəffər Ali Baş Komandan, Azərbaycan Respublikasının Prezidenti cənab İlham Əliyevin rəhbərliyi ilə rəşadətli ordumuzun, igid oğullarımızın şücaəti ilə bu gün işğaldan azad edilən bütün ərazilərdə, o cümlədən doğma şəhərimiz Şuşada möhtəşəm bərpa və quruculuq işləri aparılıb, əhalinin mərhələli şəkildə köç prosesi həyata keçirilib.

Koha Avtomatlaşdırılmış Kitabxana İnformasiya Sistemi

19/06/2026

19/06/2026

17/06/2026

17/06/2026

16/06/2026

16/06/2026

13/06/2026

13/06/2026

12/06/2026

Address

Website

Alerts

Shortcuts

Share

Category