Mehriban Vəliyeva

20/09/2026

20 sentyabr — Azərbaycanın müasir tarixində mühüm iz qoymuş gündür.
1994-cü il sentyabrın 20-də imzalanan “Əsrin müqaviləsi” Azərbaycanın neft strategiyasının əsasını qoymaqla yanaşı, ölkəmizin iqtisadi inkişafında və beynəlxalq mövqeyinin möhkəmlənməsində mühüm rol oynadı.
Ümummilli Lider Heydər Əliyevin uzaqgörən və məqsədyönlü siyasəti ilə əsası qoyulan bu strateji kurs Prezident İlham Əliyev tərəfindən uğurla davam etdirilərək Azərbaycanın iqtisadi qüdrətinin və enerji təhlükəsizliyinin möhkəmlənməsinə mühüm töhfələr verdi.
Bu gün 20 sentyabr həm də Azərbaycanın Dövlət Suverenliyi Günü kimi tariximizdə xüsusi məna daşıyır. Müasir Azərbaycanın inkişaf yolunda bu tarixin hər iki mühüm hadisəsi dövlətçilik, milli iradə və müstəqil siyasətin əhəmiyyətini bir daha nümayiş etdirir.

20/09/2026

19/09/2026

Bu gün Azərbaycan Müəllimlər Assosiasiyasının (AGMA) təşkilatçılığı, Azərbaycan Respublikasının Elm və Təhsil Nazirliyi, Azərbaycan Respublikasının Təhsil İnstitutu və Məktəbəqədər və Ümumi Təhsil üzrə Dövlət Agentliyinin tərəfdaşlığı, “Azərbaycan müəllimi”nin media dəstəyi ilə keçirilən “Yeni tədris ili: Məktəbdə keyfiyyətli başlanğıc” adlı tədbirdə iştirak etdim.

19/09/2026

20 Sentyabr – Dövlət Suverenliyi Günüdür!
Bu əlamətdar gün Azərbaycan tarixinin ən mühüm səhifələrindən birini – dövlət suverenliyimizin tam və qəti şəkildə bərpa olunmasını təcəssüm etdirir.
2023-cü il 19–20 sentyabr tarixlərində həyata keçirilən lokal antiterror tədbirlərindən sonra Azərbaycanın dövlət suverenliyi bütün ərazimizdə tam bərpa edildi.
Bu gün Qarabağ və Şərqi Zəngəzurda üçrəngli bayrağımız dalğalanır, Böyük Qayıdış proqramı uğurla həyata keçirilir və doğma torpaqlarımız yeni inkişaf mərhələsinə qədəm qoyur.
Dövlət Suverenliyi Günümüz mübarək!

18/09/2026

Bu gün Yeni Azərbaycan Partiyası Sumqayıt şəhər təşkilatının, Sumqayıt Şəhər İcra Hakimiyyətinin və “Azərikimya” İstehsalat Birliyinin birgə təşkilatçılığı ilə “Əsrin müqaviləsindən – Suverenliyə” mövzusunda keçirilən elmi-praktik konfransda iştirak etdik.

18/09/2026

18/09/2026

Bu gün Sumqayıt şəhər İcra Hakimiyyətinin başçısı cənab Zakir Fərəcov və deputat həmkarlarımla birlikdə Sumqayıt şəhərində Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi tərəfindən təşkil olunan “PeşəFest-2026” tədbirində iştirak etdik. Tədbir çərçivəsində peşə təhsilinin və peşə bacarıqlarının əmək bazarının tələblərinə uyğun inkişaf etdirilməsi, gənclərin müxtəlif peşələrə marağının artırılması, onların məşğulluq imkanlarının genişləndirilməsi istiqamətində görülən işlərlə tanış olduq.

18/09/2026

Prezident cənab İlham Əliyevin Türk Dövlətləri Təşkilatına (TDT) üzv ölkələrin təhlükəsizlik üzrə rəhbər şəxsləri ilə görüşü zamanı səsləndirdiyi fikirlər təşkilatın qarşısında dayanan strateji vəzifələrin, mövcud regional reallıqların və türk dövlətləri arasında qarşılıqlı fəaliyyətin gələcək istiqamətlərinin aydın şəkildə ifadəsi kimi xüsusi əhəmiyyət daşıyır.

Təhlükəsizlik və sabitlik türk dünyasının inkişafının əsas şərtidir

18/09/2026

2026–2027-ci tədris ilindən etibarən yeni təmayül tədris modelinin daha geniş tətbiq olunması, tam orta təhsildə yeniliklər şagirdlərin ali təhsilə hazırlığı baxımından müsbət addımdır. Yeni modelin əsas məqsədi 10–11-ci sinif şagirdlərinə, xüsusilə ali məktəbə hazırlaşanlara, məktəb daxilində daha yüksək səviyyəli və məqsədyönlü təhsil xidməti göstərməkdir. Ötən il modelin 14 məktəbdə tətbiq olunması və əldə edilən nəticələrin müsbət qiymətləndirilməsi onun daha geniş miqyasda tətbiqinə əsas yaradıb.

2026–2027-ci tədris ili üzrə yeni təmayül tədris modelinin tətbiqinə başlanılıb