Əhli Beyt - ə a aid qəzəl və şe'rlər

Əhli Beyt - ə a aid qəzəl və şe'rlər Bu səhifə Azərbaycan ədəbiyyatında Əhli Beyt (ə) aid qəzəl və şerləri toplamaq üçün yaradılıb
Səhifənin Kodu: @+[521537524552802:o]

Azərbaycanın ədəbiyyat xadimləri öz yaradıcılıqlarında Əhli Beyt mövzusuna tez-tez toxunmuşlar. Lakin bəzi səbəblərə görə uzun müddətdir ki, bu ədəbiyyat inciləri təbliğ olunmur.Səhifənin də əsas məqsədi elə budur. Hər kəsdən bu mövzuda bildiyi qəzəl və şerləri bizimlə bölüşmək xahiş olunur

Ədəbiyyatımıza ağır itki oldu. Allah rəhmət eləsin Fələk yelə verdi insan karvanın,Hərəsin bir yana çəkib apardı.Bir ömü...
22/11/2025

Ədəbiyyatımıza ağır itki oldu. Allah rəhmət eləsin

Fələk yelə verdi insan karvanın,
Hərəsin bir yana çəkib apardı.
Bir ömür rəngbərəng bəzədi onu,
Sonda ağ əskiyə büküb apardı.

Hər insan yaşadı ölüm anını,
Qəflətən Əzrail kəsdi yanını,
Kiminin yuxuda aldı canını,
Kiminin qanını töküb apardı.

Dünya Tanrılığa cəhd eləyənin,
Halal deyə-deyə haram yeyənin,
Sinəsinə döyüb “mən-mən” deyənin,
Cəmdəyin torpaga əkib apardı.

Allah hikmətinə kor baxanların,
Xalqın sətvətinə xor baxanların,
Haqqa gözlərində tor baxanların,
Fələk torbasını tikib apardı.

Arif, sən də öldün, başladı adət,
Bir az qurdalanıb getdi cəmaət,
Bircə çadır qaldı yasdan əlamət,
Onu da sahibi söküb apardı.

Arif Buzovnalı

Peyğəmbəri həqq etdi vida həccini itmam,Yəsribə tərəf eylədi təqrib ilə iqdam.Nagah ona Cəbrail enib eylədi elan, Höccət...
18/07/2022

Peyğəmbəri həqq etdi vida həccini itmam,
Yəsribə tərəf eylədi təqrib ilə iqdam.
Nagah ona Cəbrail enib eylədi elan,
Höccəti tamam eylə ki,kamilləşə islam.
Fərmanı Xudadır yetə imamətə risalet,
Etmək gərəkir əmri-xudavəndə itaət.

Hüccaci xəbərdar elədi Əhmədi-Muxtar,
Cəm oldu onun əmrilə bir yerə zəvvar.
Hökm eylədi ki,minbəri-əla,
Ta eyləyə şövqilə o da xütbeyi-kübra.

Car etdi Qədir-Xumda Peyğəmbəri-bala
Qaldırdı Əlinin əlini etdi eylədi fətva
Məndən sonra,ərz etdi, budur sizlərə Mövla,
Həqqi necə inkar edəsən Allaha xatir,
Məşhur hədisdir mütaşabeh-mütəvatiz.

Təkidilə mövlayi-cahanbetdi nəsihət,
Yəni sizə tapşırdım iki ağır əmanət.
Bildirdi:biri müshəfi həqdir,biri itrət,
Hər kim bulara uysa,o,azğınlığa getməz.
Asi olanı Allah hidayət belə etməz.

Ol vəchidən aşiqlərin əfzundu məzuqi
Hal əhlinə şamildi bu gün nəşeyi-baqi.
Təyin edilib məclisi ruhaniyə saqi,
Ya Rəbb,bu nə gündür coşur aləm fərəhindən,
Mey nuş edir eşq əhli məsərrət qədəhindən.

Yetmiş sənə ey şah,bu gün vəxti-xilafət,
Yalnız sənə layiqdi həmən təxti-xilafət.
Xəyyati qəza biçdi sənə çəxti-xilafət,
Gözlər nəzər etdikcə şəhə heyrətə gəldi,
Nurunla səmavəti zəmun zillətə gəldi.

Ey şiri-qəzənfər Əsədullah seçildin,
İzzət və şərəf bürcü üçün mah seçildin,
Sən səltənəti-eşqə bu gün şah seçildin.
Eşqinlə vuran aşiq ürəklər dedi ləbbeyk,
Ərxacilə göylərdə mələklər dedi ləbbeyk.

Müəllif: Vüqar Biləcəri (Paşayev)

18/07/2022

"Əli haqq, Haqq Əli ilədir!" (Hədis)

Həqq peyğəmbərə vəhy etdi belə:
Əlini öz yerinə təyin elə!
Ta ki Xatəm bunu ərz etdi elə,
Verməmiş can fəqət ol pak hələ
Verərək bir neçə napak əl-ələ
Keçirir gərçi Əli həqqin ələ
Əli öz haqqına gec yetsə belə
Necə Həq gəlsə, gedir batil, elə:
Gəlişiylə hamısın batil edir,
"Həqq Əli ilə, Əli Həqq ilədir"

Həqq evində göz açıb ol Mövla
Həqq öz elmindən ona etmiş əta
Həq Kəlamıyla veribdir fətva
Həq qılıncıyla qılıbdır də'va
Səcdədə Həqqə canın qıldı fəda
Olmadı Həqqdən ömründə cüda
Yə'ni Mövludi - şərifindən ta
Dəhrdən rehlət edincə hətta
Həqq ilə ünsü bilafasilədir,
"Həqq Əli ilə, Əli Həqq ilədir!"

Sal Ühud cənginə diqqətlə nəzər
Cəng bitməkdə dağılmış ləşkər
Bəzi əshabi-dəni qaçmış əgər,
Əksərən oldu şəhid əhli-hünər
Mustəfa hifzinə yox ğeyr bir ər
Lafəta şahi qalıb bircə nəfər
Ona Cibril pərin qıldı sipər
Qorxusu yoxdu onun zərrə qədər
Nola düşmən qoşunu silsilədir?...
"Həqq Əli ilə, Əli Həqq ilədir!"

İsmi -Ə'zəm Əlinin namını bil
Şə'ninə sureyi - Ə'la nazil
Öz adın vermiş ona Rəbb ü Cəlil
Sənə ta ki bəs edər bunca dəlil
Həqqə yetmək diləsən gər ey dil,
"Ya Əli" zikri ilə öt dil-dil
Kimsə ondan yaxın Allahə deyil
Tək o Həqqə səni eylər vasil
Çün əzəl gündən həqiqət belədir:
"Həqq Əli ilə, Əli Həqq ilədir!"

Əli mədhində olubsan məddah
Olasan ta ki ,qəbuli-dərgah
Əfv edər Tanrı, sən etdikdə günah
Bil ki, ol şah üçün inşəllah,
Kimdi bilmək diləsən gər ol şah,
Ol zəman ol bu sözümdən agah
Mədhin etməz bunu izah hərgah
Bu hədis eylər onu kamil izah:
Əsriya, kəlmələrin nafilədir,
"Həqq Əli ilə, Əli Həqq ilədir!"

Müəllif: Gənc qəzəlxan Seyyid Məcid Əsri

Salam səhifəmizi izləyən dəyərli insanlar. Müəyyən səbəblərdən uzun zamandır səhifədə paylaşım etmirdik. Lakin qarşıdan ...
16/07/2022

Salam səhifəmizi izləyən dəyərli insanlar. Müəyyən səbəblərdən uzun zamandır səhifədə paylaşım etmirdik. Lakin qarşıdan gələn mübarək Qədir Xum bayramı münasibətilə səhifəmizi yenidən aktiv edib sizə xidmət etmək istəyirik. Hər birinizdən səhifəni paylaşmaq və tanıdığınız şairləri rəylərə işarələməklə bizə dəstək olmağınızı rica edirik.

19/08/2021

Ya Hüseyn, aləmə gəldik ki, əzadarın olaq,
Sən özün istə Xudadan, nola, zəvvarın olaq.

Qəmli bülbüllərik, etmiş bizi hicran məhbus,
Qəfəsin aç qapısın, sayiri - gülzarın olaq.

Dərdməndik, hərəmi- həzrəti - Əbbasə yetək,
Əlimizdən tuta, mehmanı Ələmdarın olaq.

Bizə Cənnət qapısında dəyanan qibtə edər,
Həq nəsib etsə əgər xadimi-dərbarın olaq.

Yazsın Allah bizi aşiqlərinin cərgəsinə,
Qəlbini şad eləyən, Əhmədi - Muxtarın, olaq.

Olmayaq, eylə dua, ərseyi - Məhşərdə xəcil,
Məhzərində üzü ağ, Heydəri - Kərrarın, olaq.

Ey ləyaqətlilərin şahı, kəramət kanı,
Əmriyəm, eylə kərəm, layiqi - didarın olaq.

Müəllif : Ağasəlim Əmri Binəli.

Həzrəti Məsumə (s.ə) mövludu münasibətiləGecənin zülmətinə sanki doğub nurlu səhər,Hamı paylar bu səbəbdən nə qədər şirn...
12/06/2021

Həzrəti Məsumə (s.ə) mövludu münasibətilə

Gecənin zülmətinə sanki doğub nurlu səhər,
Hamı paylar bu səbəbdən nə qədər şirni, şəkər.
Olmasın bəs bu günü kimsədə qəm, qüssə, kədər.
Həzrəti Fatimə binti Musa dünyayə gəlib.

Çağırırlar Xanımın şəhri-Tusa qardaşını,
Bu səbəbdən tuta bilmirdi Xanım göz yaşını.
O Hicazdan köçərək, Qumda qoyub baş daşını.
Vətənindən duraraq qardaşa həmsayə gəlib.

Çil-çıraqli hərəmi bir yaraşıqdır şəhərə,
Yenə gəlmək diləyər kim ki, gələr bircə kərə.
Elə bil Həzrəti-Haqqın tərəfindən bu yerə,
Bibi Məsumə Xanım qəlbləri əhyayə gəlib.

Məhzərində eləyim mən ağalıqdan nə səda?
Hərəmində neçə alim uyuyur misli gəda.
Hacətim var yenə səndən nə olar eylə əda.
Fərz elə təşnə biri sahili-dəryaya gəlib.

23.06.2020
Seyyid Hüseyn Fəqir

Əlidir saqiyi - Kovsər, Əlidir xaceyi - QənbərO bir Şiri - Ğəzənfərdir, bir ismi - pakı həm HeydərOdur rəhbər, odur sərv...
25/02/2021

Əlidir saqiyi - Kovsər, Əlidir xaceyi - Qənbər
O bir Şiri - Ğəzənfərdir, bir ismi - pakı həm Heydər
Odur rəhbər, odur sərvər, Əlidir nəfsi - Peyğəmbər
Nəhayət yoxdu şə`nində o sultanın, Əlidən yaz .

Salam dəyərli səhifə izləyiciləri. Hər birinizi Həzrəti Əli (ə)-ın mövludu münasibətilə təbrik edirik. İmam Əli (ə)-ın mövludu münasibətilə çox əsərlər yazılmış. İstərdik ki, bu paylaşımın rəy bölməsində dəyərli şairlərimiz hərəsi bir beyt yazıb, digər şair dostlarını işarələyərək estafeti ona ötürsün. Ümid edirəm ki, xiridarların zövq alacağı beytlər görəcəyik.
Statusu daha çox oxucunun görməsi üçün paylaşmağınızı rica edirik.

29/08/2018

Dəyərli səhifə izləyiciləri və şair dostlar. Hamınızı Qədir -Xum bayramı münasibətilə təbrik edirəm. Xahiş edirəm bu bayramla bağlı yazdıqlarınızı səhifəmizə göndərəsiniz.

Ya Zəhra!Məqami - alidə ə`ladı nami Zəhranın,Xudayə bəllidir ancaq məqami Zəhranın.Əzizi - Xaliqi - yektadı, misli - Pey...
12/02/2017

Ya Zəhra!

Məqami - alidə ə`ladı nami Zəhranın,
Xudayə bəllidir ancaq məqami Zəhranın.

Əzizi - Xaliqi - yektadı, misli - Peyğəmbər,
Edildi xilqətə fərz ehtirami Zəhranın.

Şəhadəteyni deyənlər necə rəva gördü
ki, ağlamaqla keçə sübhü şami Zəhranın.

Fələklər ağladı, gizlin məzari üstündə,
Tökəndə göz yaşı məzlum İmami Zəhranın.

Zəliylü xar olacaq Həqqə zülm edən dəstə,
Qiyamət içrə qopanda qiyami Zəhranın.

Keçər səhihü səlamət Sirati - pürxətəri,
O şəxs ki, ona vardır səlami Zəhranın.

Cəlaldə mənə şahlar yetişməz, ey Əmri,
Deyilsə adıma kəmtər qulami Zəhranın.

Müəllif _ Ağasəlim Əmri Binəli

**Kərbəla Ağasəlim Əmrinin qələmində**Əssəlam, ey mülki - şahi - övliya, ey Kərbəla,Əssəlam, ey şəhri - cani - Mustəfa, ...
16/10/2016

**Kərbəla Ağasəlim Əmrinin qələmində**

Əssəlam, ey mülki - şahi - övliya, ey Kərbəla,
Əssəlam, ey şəhri - cani - Mustəfa, ey Kərbəla.

Çəkdi yer ah, ağladı göy, səndə Aşura günü,
Ayrılan dəm aşinadən aşina, ey Kərbəla.

Ali məktəbsən ki, səndə Yetmiş iki canfəda,
Etdilər dünyayə tə`limi – vəfa, ey Kərbəla.

Ülvi eşq etmiş səni mədfən sədaqət əhlinə,
Səndəki aşiqlərə canlar fəda, ey Kərbəla.

Çün suvardı torpağın qanıyla Şahi - təşnələb,
Hər mərizin dərdinə oldun dəva, ey Kərbəla.

Sən ölümsüzlər diyarı, sən şəhadət gülşəni,
Sən könüllər mürğünə baği - səfa, ey Kərbəla.

Əmri həsrətdir sənə, var səddi - hicran arədə,
Binəva eylər nəva, ey Kərbəla, ey Kərbəla.

Müəllif _ Ağasəlim Əmri Binəli

06/06/2016

******* Ramazan ayı haqda *******

Ey saqiyi-gülçöhrə, mahi-Ramazan oldu
Gülzari-rüxi-dilbər zə'f ilə xəzan oldu.

Dildar tutub ruzə zə'f oldu ona ğalib
San yengi çıxan aydır çərx üzrə əyan oldu.

Qaçmış o güli-alın lə'li-ləbinin qanı
Bağrım tutulub qəmdən qönşə kimi qan oldu.

Aşüftə olub kakil əbruyi-kəcin tutdu
Mah idi bu eyd üçün əbr içrə nihan oldu.

Açıldı dəri- məscid cəm oldu riya əhli
Bağlandı səri-mina qəmdən xəfəqan oldu .

Niyyət gecəsi verdim imani şərab aldım
Sud oldu bu cövdadə zahid nə ziyan oldu

Ta hübbi-Əlidən mey Seyyid kimi nuş etdim
Sərməstligim saqi məşhuri - cahan oldu.

Müəllif: Seyid Əzim Şirvani
Göndərən: Hacı Qəzənfər Talib

06/06/2016

******** Ramazan ayı haqda ********

Əgər kim istəsə qurtarmağa həşrin əzabından,
Gərəkdür istifadə eyləsün bu məh səvabından.

Səvabi- rövzeyi- mahi- mübarək, gənci - bipayan,
O gənci axtaran, əlbəttə qorxmaz heç itabından.

İtabü zəhməti rahət sanır əhli - yəqin, oldur,
Yumublar göz cahanın daima əklü şərabından.

Şərabü əklə baxmaz müttəqi kim rizqü məqsumə,
Qənaət eyliyər, ta qurtara Məhşər hesabından.

Hesabi-məhşəri hər işdə sərməşq eyləmək xoşdur,
Keçər beş gün, bu dünya olmasun aşü kəbabından.

Kəbab etmincə nəfsi,şəhvəti dünyadə sövm ilən,
Müəttər olmaq olmaz cənnətin ətrü gülabından.

Gülabi- nəfsasa endi bil buyi- fəmi- saim,
Dəlili-sovmi-Musa saniyən həqqin xitabından.

Xitabi- həqdən hər kim gər qaça, gümrahdur bişəkk,
Kənar olmuş hüzuri- həzrəti- xətmi- məabından.

Məabi- axirət baqidü, dünya fanidür həqqa,
Cəlali- əhli- dünya, bir məsəl mövc- sərabından.

Sərabə allanan biəqldür, la şəkk bi şübhə,
Özün hifz et amandur vadiyi-həşrin əzabından.

Müəllif: Hacı Şıxəli Tuti

Address

Bakı Şəhəri

Website

Alerts

Be the first to know and let us send you an email when Əhli Beyt - ə a aid qəzəl və şe'rlər posts news and promotions. Your email address will not be used for any other purpose, and you can unsubscribe at any time.

Shortcuts

Share

Category