Erum Morning Star ارم صبح کا ستارہ

Erum Morning Star ارم صبح کا ستارہ Contact information, map and directions, contact form, opening hours, services, ratings, photos, videos and announcements from Erum Morning Star ارم صبح کا ستارہ, Melbourne.

میرے پیارے اسلام،آپ کے نام ایک خط!ہم سمجھتے تھے اسلام صرف پاکستان میں بکتا ہے بسوں کے اندر گھس کر، دروازے کھٹکھٹا کر، مس...
30/05/2026

میرے پیارے اسلام،
آپ کے نام ایک خط!
ہم سمجھتے تھے اسلام صرف پاکستان میں بکتا ہے بسوں کے اندر گھس کر، دروازے کھٹکھٹا کر، مسجدوں مدرسوں میں اعلان کرکے چندہ لے کر۔۔۔۔ اس سب میں ایک بات مشترک تھی کہ چندہ کا ڈبہ ہرے رنگ کا ہوتا تھا چاہے بڑا یا چھوٹا۔

آسٹریلیا آکر پتہ چلا کہ اسلام کو صرف مال کمانے کے لئے ہر جگہ بیچا نہیں جاتا بلکہ sales and marketing department بھی اسلام سے چمکایا جاتا ہے۔ دور بدل چکا ہے اب ہرے رنگ کے چندے کے ڈبے کی ضرورت نہیں، چندہ لینے والے اسلامی بینک اکاونٹس موجود ہیں اور بڑا مال بٹورنے کے لئے اسلامک بینکنگ اور فنانسنگ کے ویبسائیٹس ہیں۔ اب چندہ لینے والے کو سفید شلوار کرتا، سفید ٹوپی، داڑھی اور پائنچے اونچے کرنے کی ضرورت ہے کیونکہ مغربی ملک میں ٹائی سوٹ پہن کر جدید اسلام بیچنا ہے۔ آخر غیر مسلموں کو بھی منہ دکھانا ہے اور ان کو بھی اسلام کے نام پر ڈرانا ہے تاکہ وہ ذرا دور ہی رہیں اور کاروبار میں کوئی رخنہ نہ ڈالیں نہ ہی competitor بن کر ابھریں۔ اسلامی مالیاتی اداروں کے ہیڈ آف ڈپارٹمنٹ مفتی صاحبان ہیں تاکہ کوئی انگلی نہ اٹھائے۔ یہی مفتی صاحبان گمراہ مسلمانوں کو اپنے فتووں کا ٹھپہ لگا کر ان اسلامی اداروں کے پاس بھیجتے ہیں ان کی "خرید و فروخت" کروانے کے لئے۔

ہائے میرے پیارے اسلام،،،،، آپ کو ہر دور میں مال کمانے کے لئے استعمال کیا گیا اور آج تک کیا جارہا ہے لیکن آپ جس وجہ سے اس دنیا میں تشریف لائے یعنی بنی نوع انسان کی فلاح اور کامیابی کے لئے، اس کے لئے آپ کو مسلمان بھی استعمال نہیں کرتے۔

انا للہ وانا الیہ راجعون!

احمدی کو اس لئے خارج اسلام قرار دیا گیا اور ان کے خلاف فتوے جاری کئے گئے کہ وہ رسول اللہ صلی اللہ علیہ والہ وسلم کو آخری رسول نہیں مانتے یعنی اسلام میں حجت کرتے ہیں بدعت کرتے ہیں۔ اس لئے وہ غیر مسلموں کے برابر قرار دئیے گئے۔ بلکل درست!!!!

اسلامک فنانسنگ کا پخ اسلام سے جوڑنے والوں کو آج تک مفتی صاحبان نے اسلام سے خارج کیوں نہیں کیا؟؟؟

اسلامک بینکنگ والوں کو آج تک غیر مسلم قرار کیوں نہیں دیا گیا؟؟؟

کیونکہ اسلامک بنکنگ اور فنانسنگ کا کیڑا وجود میں لانے والے مفتی صاحبان ہی ہیں کیونکہ انہیں یہ معلوم ہے جو قرآن نہ پڑھنے والے نہ سمجھنے والے ایک عام مسلمان کو معلوم نہیں کہ عام بینکنگ اور فنانسنگ کے اکثر اصول اسلامی اصولوں کے منافی نہیں۔ صرف کاروباری بینکنگ کے کچھ اصول اور پروڈکٹس اسلام کے منافی ہیں اور صرف وہ اصول اسی سود کے برابر ہیں جس کی قرآن میں مخالفت کی گئی ہے اور ہر عام بندہ تو کاروباری اکاونٹس کھولتا نہیں۔ اس بات کا فائدی اٹھا کر عام بینکنگ کو اسلامک بینکنگ کا نام دے کر عام بینک کے صارفین کو اسلامک بینکنگ کی طرگ کھینچ کر اسلام کے نام پر مسلمان انویسٹرز کا کاروبار چمکا کر عام مسلمان کو بےوقوف بنا کر پچھلے کئی سالوں سے اچھا مال بنایا جارہا ہے۔ ایک طرف عالم دین مسلمانوں کو خود قرآن پڑھ کر سمجھ کر تحقیق کرنے اور سوال پوچھنے کی تلقین نہیں کرتے جس کا فائدہ یہ ہوتا ہے کہ قرآن کے علم اور عقل سے بےبہرہ مسلمان چپ چاپ خاموشی سے انہی اسلامی مالیاتی اداروں کو دنیا میں حلال رزق اور حلال زندگی کمانے کا ذریعہ سمجھ کر ان کا کاروبار چمکاتے ہیں۔

اسلام تو ہر جگہ بکتا ہے!

بینکنگ اور فنانسنگ سیکٹر کو چمکانے کے ساتھ ساتھ تعلیم کے شعبہ کو بھی اسلام کے نام پر مال بنانے کا ہتھکنڈا عطا کیا گیا۔ پھر یونیورسٹیوں میں بھی ایک اور ڈگری آگئی۔ اسلامک فنانسنگ، جہاں باپ خوشی خوشی اپنی بیٹیوں اور بیٹوں کو ایک مکمل اسلامی طرز زندگی کی روش پر چلنے کا منصوبہ بنا کر بھیجتے ہیں۔ خالص اسلامی تعلیم حاصل کریں گے اور خالص حلال کمائیں گے اور یہ واحد حلال پیشہ ہے جس سے بہترین ملازمت کرکے بہترین روزی حاصل کرکے مضبوط مستقبل بنائیں گے۔ اب اور کیا چاہیئے؟؟؟

اسلامی زندگی!
حلال زندگی!
بہتر اور مضبوط مستقبل!

چاہے قرآن کھول کر کبھی سمجھا بھی نہ ہو!!!

یہ ثبوت کافی ہے کہ نہیں سمجھا ورنہ سوال پوچھتے تحقیق کرتے لیکن اندھوں کی طرح تقلید نہ کرتے کیونکہ قرآن سب سے پہلے انسان کے عقل کے دروازے کھولتا ہے تاکہ انسان اپنے لئے درست فیصلے کرے۔

یہ وہ لوگ ہیں کہ جنہوں نے ہدایت کے عوض گمراہی خرید لی ہے۔ سو نافع نہ ہوئی ان کی تجارت ان کے حق میں اور نہ ہوئے راہ پانے والے۔ ان کی مثال ایسی ہے جیسے ایک شخص نے آگ روشن کی۔ پھر جب اس آگ نے سارے ماحول کو روشن کردیا تو اللہ نے ان کا نور بصارت سلب کرلیا اور چھوڑ دیا ان کو ان اندھیروں کے اندر کہ وہ کچھ نہیں دیکھتے۔ یہ بہرے ہیں گونگے ہیں اندھے ہیں سو اب یہ نہیں لوٹیں گے۔ یا ان کی مثال ایسی ہے جیسے بڑے زور کی بارش برس رہی ہے آسمان سے اس میں اندھیرے بھی ہیں اور گرج اور بجلی (کی چمک) بھی۔ یہ اپنی انگلیاں اپنے کانوں کے اندر ٹھونسے لیتے ہیں مارے کڑک کے موت کے ڈر سے۔ اور اللہ ایسے ک ا ف ر و ں کا احاطہ کیے ہوئے ہے۔
سورہ البقرہ آیت آیت 16-19

کیا یہ صرف ک ا ف ر و ں کے لئے بیان کیا گیا ہے؟؟؟
#ارم

29/05/2026

پاکستان میں بیٹھ کر صورتحال کچھ اور ہے اور پاکستان سے باہر نکل کر کچھ اور۔ بھارتی اور پاکستانی قومی نشریاتی رابطے دونوں ملکوں کی عوام کو ایک دوسرے سے نفرت قائم رکھنے کے لئے وہ مواد نکال کر دنیا کو دکھاتے ہیں جس سے تنازعہ پھیلے اور دونوں ملک پڑوس ہونے کے باوجود پڑوسی ہونے کا حق ادا نہ کرسکیں بلکہ پہلے سے زیادہ ایک دوسرے سے نفرت کریں۔ جس کا اولین مقصد دونوں ملکوں کو اپنی اپنی حکومتیں قائم رکھنے اور عوام پر اپنی اجارہ داری مسلط رکھنے میں مدد ملتی ہے۔ دونوں ممالک ایک دوسرے کا نام لے کر اپنا کام چلاتے ہیں۔ اس کھانے کی میز پر دو بھارتی تشریف فرما ہیں۔ 😊

اس میں کوئی شک نہیں ہے کہ کھلانے پلانے، مہمان نوازی کرنے اور اپنا مال خرچ کرنے میں اگر کوئی دریا دل ہے تو وہ پاکستانی ہی ہیں۔ یہ الگ بات ہے کہ روز بروز پاکستانیوں کے دل کی سخاوت میں ایک دوسرے کے لئے بتدریج کمی واقع ہورہی ہے۔

مختلف ثقافت اور مذاہب سے تعلق رکھنے والے لوگ جب میرے گھر ویلکم لنچ پر جب آتے ہیں تو انہیں یہ جاننے کا تجسس ہوتا ہے کہ یہ لنچ منعقد کرنے کے لئے پیسے کہاں سے آتے ہیں۔ ہر بندہ ہمیشہ یہ کہہ کر بات شروع کرتا ہے کہ کونسل اس لنچ کے لئے پیسے دیتی ہے نا!!!! اور جب میں یہ بتاتی ہوں کہ ویلکم لنچ کا کونسل سے یا کسی سے کوئی لینا دینا نہیں۔ لوگوں کو پھر بھی یقین نہیں آتا اور وہ باقاعدہ پوچھتے ہیں کہ کیا تم خود اپنا پیسہ خرچ کرتی ہو اور میں ہاں میں جواب دیتی ہوں تب بھی لوگ مجھے شک کی نظروں سے دیکھتے ہیں۔

کسی زمانے میں شاید یہ عام سی بات ہوتی ہوگی لیکن آج ہم لالچ اور خودغرضی کی انتہا کو پہنچ چکے ہیں کہ کوئی یقین نہیں کرسکتا کہ آخر کوئی اپنا پیسہ اور وقت انجانے لوگوں پر کیوں خرچ کرے؟ ذاتی فائدہ حاصل کرنے کے لالچ کے بغیر کوئی کیوں کسی کو عزت و محبت دے؟؟؟؟

میری صاحبزادی اکثر مجھ سے پوچھتی ہیں کہ مما آپ اپنے آپ کو اتنا کیوں تھکاتی ہیں ان لوگوں کے لئے اور اپنا ہی مال بھی خرچ کرتی ہیں جب کہ ان میں سے کوئی کبھی پلٹ کر آپ کو اپنے گھر نہیں بلاتا۔ میرا جواب یہ ہوتا ہے کہ بیٹا دوسروں کو سکھانے کا یہی طریقہ ہوتا ہے کہ خود وہ کام کرکے دکھایا جائے جو ہم دوسروں کو کرتے دیکھنا چاہتے ہیں۔

آپ یہ کریں، آپ وہ کریں، آپ ایسا کریں، آپ ویسا کریں،،، وغیرہ وغیرہ۔ کتنے لوگ ہیں جو آج کے دور میں کسی کے کہنے سے کچھ کرتے ہیں؟؟؟

میں نہیں کروں گی تو کون کرے گا؟؟؟
اگلی نسل کے لئے مثال کون بنائے گا؟؟؟
دوسروں کے لئے رول ماڈل کون بنے گا؟؟؟

اسلام امن کا گہوارہ ہے!!!
اپنے مسلمان بہن بھائیوں اور غیر مسلموں کو اپنی ذات سے اسلام کی حقیقی شکل یعنی امن محبت عزت اور تحفظ کا پیغام کون دے گا؟؟؟؟

یہ تبلیغ نہیں تو اور کیا ہے؟؟؟؟
جب ویلکم لنچ کا آغاز کرتے ہوئے میں تمام حاضرین محفل کے سامنے کہتی ہوں۔

I pay my regards to the creator of this land and I'd like to acknowledge the Traditional Owners of the land on which we meet today. I would also like to pay my respects to Elders past, present, and emerging.

ہمارا کام صرف محبت پھیلانا ہے اور محبت کا پیغام دینا ہے!!!

میری آرزو ہے کہ جب ارم اس دنیا میں نہ رہے تو لوگوں کو ارم کی کمی محسوس ہو اور لوگ ارم کو اچھے لفظوں میں یاد کریں،،،، کہ ایک ارم ہوتی تھی وہ لوگوں کو کھانا کھلاتی تھی،،،،،،!!!!

الحمدللہ میری یہ خواہش میری زندگی میں ہی پوری ہوگئی۔ 2019 میں جب مجھے کونسل کی طرف سے ایوارڈ ملا تو جیوری کے افسر نے مجھے کال کرکے کہا کہ ہم نے تمہیں ایوارڈ دینے کے لئے منتخب کیا ہے کیونکہ ہمیں باقاعدہ ثبوت ملے ہیں کہ تم نے مختلف ثقافت سے تعلق رکھنے والوں کو کھانا کھلایا ہے اور ان کی زندگیوں پر بہت گہرے اثر مرتب کئے ہیں۔ اس کے بارے میں ایوارڈ والے دن تم سے مل کر تمہیں بتاوں گا۔ مجھے بڑا تجسس رہا کہ ایسی کیا بات ہوسکتی ہے۔ ایوارڈ والے دن وہ افسر جب مجھ سے ملا تو کہنے لگا کہ جس علاقہ میں تم لوگوں کو مفت کھانا بنا کر کھلاتی تھیں، اتفاق سے اس کے برابر والے علاقہ کے کمیونٹی سینٹر میں کسی کام سے میں گیا۔ وہاں کچھ لوگ بیٹھے باتیں کررہے تھے۔ ان میں سے ایک نے تمہارا نام لیا تو میرے کان کھڑے ہوئے۔ ان میں سے ایک نے کہا کہ ایک ارم ہوتی تھی وہ ہر مہینے لوگوں کو مزیدار تازہ کھانا بنا کر کھلاتی تھی اور بہت لوگ وہاں کھانا کھانے جاتے تھے۔ میں بھی جاتا تھا لیکن اب وہ سلسلہ ختم ہوگیا۔ مجھے یاد ہے جب ایک مرتبہ اس علاقہ کی مئیر وہاں مجھ سے ملنے آئی تھی تو اس نے کہا تھا کہ ارم ہمیں اس علاقہ میں کم از کم آٹھ دس ارم چاہیئیں۔ 💝
#ارم

پچھلی پوسٹ شاید Erum Morning Star ارم صبح کا ستارہ کی سب سے زیادہ وائرل پوسٹ تھی جس کو 1 ملین سے زائد لوگ دیکھ چکے ہیں۔...
29/05/2026

پچھلی پوسٹ شاید Erum Morning Star ارم صبح کا ستارہ کی سب سے زیادہ وائرل پوسٹ تھی جس کو 1 ملین سے زائد لوگ دیکھ چکے ہیں۔ مجھے درست اندازہ کرنے میں دشواری پیش آرہی ہے کہ اس پوسٹ میں ایسا کیا تھا جو وائرل ہوئی۔

1- کیا اس لئے وائرل ہوئی کہ میں نے حالات حاضرہ کے بارے میں لکھا تھا؟

2- یا اس لئے کہ میں نے متعصب بن کر دونوں میں سے کسی ایک فریق کی طرفداری نہیں کی تھی اور دوسرے فریق کو برا بھلا نہیں کہا تھا بلکہ دونوں فریقین اور ان سے جڑے لوگوں اور ان سے جڑے حقائق کے بارے میں سوال اٹھائے تھے؟

3- یا اس لئے کہ میرا ہدف دونوں میں سے کسی فریق کی ذات پر رائے زنی کرنا نہیں تھا بلکہ اس قصے کے متعلق مختلف حقیقتوں اور پہلووں پر روشنی ڈالنا تھا جس میں اولین ترین پہلو "کردار" تھا جس کا تعلق ہمیشہ عورت سے منسلک کیا جاتا ہے اور میں نے اس پوسٹ میں دونوں فریق سے جوڑا؟

4- یا اس لئے کہ میں نے پاکستان اور مغرب میں رونما ہونے والے ایک جیسے اسکینڈلز کا موازنہ کیا جو لوگوں کے لئے انوکھا اور نیا تھا؟

میں اپنے سامعین سے مدد چاہوں گی کہ 1 تا 4 میں سے نمبر منتخب کرکے میری مشکل آسان کریں تاکہ میں آپ کی پسند کو سامنے رکھ کر ان موضوعات کے بارے میں مزید لکھوں۔
شکریہ 🙏
#ارم

میرے دل کے سبھی موسماُسی پہ جا کے کُھلتے تھے‏میں آدھی بات کرتی تھیوہ پوری جان لیتا تھاحسیں انداز سے پڑھتا تھاوہ گلزار کی...
28/05/2026

میرے دل کے سبھی موسم
اُسی پہ جا کے کُھلتے تھے
‏میں آدھی بات کرتی تھی
وہ پوری جان لیتا تھا

حسیں انداز سے پڑھتا تھا
وہ گلزار کی نظمیں
‏وہ جیسےریت میں سے
ہیرے موتی چھان لیتا تھا

28/05/2026

میرا چاہنے والا نہیں ہے۔ 😔

عید کا ناشتہ 🤭
28/05/2026

عید کا ناشتہ 🤭

26/05/2026

عید مبارک

I've just reached 8K followers! Thank you for continuing support. I could never have made it without each and every one ...
26/05/2026

I've just reached 8K followers! Thank you for continuing support. I could never have made it without each and every one of you. 🙏🤗🎉

یہ پوسٹ ان تمام پاکستانی مسلمان بھائی بہنوں کے لئے ہے، جن کو ان کی اور ان کے بہن بھائیوں کی حقیقت دکھائی جائے اور بتائی ...
25/05/2026

یہ پوسٹ ان تمام پاکستانی مسلمان بھائی بہنوں کے لئے ہے، جن کو ان کی اور ان کے بہن بھائیوں کی حقیقت دکھائی جائے اور بتائی جائے تو وہ بڑی شان سے مغربئ ممالک کے اصول و قوانین اور گوروں کی طرز زندگی سے اپنا موازنہ کرکے خود کو بڑا اونچا اور نیک و کار ثابت کرتے ہیں۔ مغربی ممالک اور گوروں کے بارے میں وہی باتیں کرتے ہیں جو عالم دین ان کے دماغوں میں ڈالتے ہیں تاکہ ان مسلمان بہن بھائیوں کو اپنی خامیاں اور غلطیاں کبھئ نظر نہ آئیں اور وہ ایمان کے نچلے درجہ پر پہنچ کر اپنا موازنہ غیر مسلموں سے کرکے مطمئن ہوجائیں کہ وہ گوروں سے بہتر ہیں۔ جن کو گوروں کی زندگی کی الف ب بھی نہیں معلوم، جو کبھی کسی مغربی ملک نہیں گئے اور نہ ہی کبھئ جاسکتے ہیں وہ یہ مر کر بھی نہیں سوچ سکتے کہ آج قرآن کے 50 فیصد اصول و قوانین پر بھی اگر کوئی ملک عمل پیرا ہیں تو وہ مغربی ممالک ہیں۔ اللہ مسلمان سے ایمان کی جو توقع رکھتا ہے اس میں سے اگر 50 فیصد خوبیاں بھی کسی میں موجود ہیں تو وہ گوروں کی اکثریت میں موجود ہیں۔ میرے بہن بھائیوں کو یہ بھی معلوم نہیں ہوگا کہ میں کن خوبیوں کی بات کر رہی ہوں جو اللّٰہ مسلمان میں دیکھنا چاہتا ہے۔

پچھلے دنوں میرے یہی بہن بھائی مجھ پر بہت برہم ہوئے تھے جب میں نے ہمبستری سے سکون حاصل کرنے کے لئے گوروں کی مثال دی تھی کہ گورے وہ سکون حاصل کرتے ہیں جس کا ذکرقرآن میں ہے لیکن وہ سکون نکاح کرکے بھی پاکستان کے شوہروں اور بیویوں کو حاصل نہیں ہورہا۔ میں نے مثالیں بھی دی تھیں لیکن خود کو بغیر کسی عمل کے برتر سمجھنے کی بیماری پاکستان میں عام ہوچکی ہے۔
چند دنوں سے کچھ خبریں سامنے آرہی تھیں جنہیں دیکھ کر جو پہلی بات میرے دماغ میں آرہی تھی، سوچا آج کہہ ہی ڈالوں۔

پچھلے سال ایک concert میں ایک کمپنی کا ceo اپنی ہی کمپنی کے ایک department کی head کے ساتھ عشق لڑاتے ہوئے رنگے ہاتھوں پکڑا گیا اور پوری دنیا نے انہیں اپنے ٹی وی اسکرین پر دیکھا۔ ایک گھنٹہ کے اندر اندر اس مرد کی بیوی نے اپنے سوشل میڈیا اکاونٹ سے اپنے شوہر کا نام ہٹا دیا اور ایک مہینہ کے اندر طلاق کی درخواست جمع کروادی۔ جس دن انہیں رنگے ہاتھوں پکڑا گیا اس کے چوبیس گھنٹے کے اندر ceo کو ملازمت سے فوری طور پر معطل کردیا گیا اور ایک ہفتہ کے اندر ceo نے ملازمت سے استعیفہ دے دیا۔ اس کے بعد وہ دونوں گمنام ہوگئے۔ مرد نے پوری دنیا سے درخواست کی کہ وہ خبروں سے دور رہنا چاہتا ہے۔

میرے بہن بھائی اور عالم دین اب ذرا پاکستان کے مسلمانوں کا حال سنیں۔ ایف آئی آر جمع کروانے کے بعد یہ بات سامنے آگئی ہے کہ رکن صوبائی اسمبلی ثاقب اداکارہ مومنہ کے ساتھ پچھلے پانچ سال سے relationship یعنی زنا میں مبتلا تھا۔ یہ میں نہیں کہہ رہی، ثاقب کا وکیل چیخ چیخ کر میڈیا پر پوری دنیا کو بتا رہا تھا۔ مغربی ممالک کے دورے، شاپنگ اور بینک اکاونٹ میں پیسے ڈالنے کے شواہدات پیش کیے جا چکے ہیں۔ لاکھوں کی ایک Toyota گاڑی مومنہ کی ماں کے زیر استعمال ہے، دوسرئ مومنہ کے زیر استعمال ہے۔

مومنہ کو میں کچھ نہیں کہوں گی کیونکہ اس کا کام ہی رجھا کر مال بٹورنا ہے۔ ضیاء الحق کے دور میں لاہور اور ملتان کی ہیرا منڈی ختم ہونے کے بعد طوائفیں پورے پاکستان میں پھیل گئی تھیں اور ماڈرن میڈیا نے انہیں اور ان کی اگلی نسلوں کو ہاتھوں ہاتھ لیا جس میں موجودہ ٹی وی چینلز کا کردار قابل غور ہے۔ مجھے نہیں معلوم کہ کشمیر کی ہیرا منڈی کہاں منتقل ہوئی تھی لیکن ثاقب کے گھر میں بیٹھی شریف زادی مسلمان بیوی کو شوہر کے پانچ سال کے غیر قانونی غیر شرعی تعلق پرکوئی فرق نہیں پڑتا کہ وہ شوہر کو چھوڑ کر جاتی؟؟؟؟

کیا مرد کا کردار نہیں ہوتا؟؟؟ کیا مرد کے باکردار اور بدکردار ہونے میں کوئی فرق نہیں رہا؟؟؟

رکن قومی اسمبلی کے والد اور والدہ نے خود کو اپنے غیر شرعی تعلق رکھنے والے بیٹے سے علیحدگی اختیار کرنے یا عاق کرنے کا کوئی اعلان نہیں کیا؟؟؟؟ بیٹے کے کردار پر انہیں کوئی اعتراض ہئ نہیں؟؟؟ جب کے ان کے لئے ڈوب مرنے کا مقام ہے کیوں کہ ان کا بیٹا ان کی تربیت کا ثبوت پیش کر رہا ہے۔ اگر ایسا نا ہوتا تو والد صاحب کچھ تو ایمان کی بات کہتے۔

زرا تصور کریں کہ آپ کا بیٹا خود میڈیا کے سامنے تصدیق کرے کہ پچھلے پانچ سال میں اس نے ایک اداکارہ پر کروڑوں روپے لٹائے اور اسے اپنے ساتھ پاکستان سے باہر گھمانے لے کر گیا، ہوٹلوں میں اس کے ساتھ ٹھہرا، اسے شاپنگ کرائی، گھمایا پھرایا کھلایا تو یہ سب قرآن سمجھانے اور نماز پڑھانے کے لئے تو نہیں کیا تھا۔ اگر واقعی اچھی تربیت کی تھی لیکن بیٹا اچھا نا نکلا تو ایک دیندار ماں باپ کا کیا ردِ عمل ہونا چاہیے بیٹے کے کرتوت پر؟؟؟

جو بے غیرت مرد مومنہ سے شادی کرنے جارہا ہے یا کر چکا ہے اسے اپنی ہونے والی بیوی کے کردار سے کوئی لینا دینا نہیں یعنی با کردار اور بد کردار میں پاکستان کے مسلمان مردوں کے لئے کوئی فرق نہیں کوئی حیثیت ہی باقی نہیں رہی؟؟؟

پاکستان کی صوبائی اسمبلی کے رکن کی تنخواہ ایک سے ڈیڑھ لاکھ مختص ہے۔ کروڑوں روپے اور گاڑیاں مومنہ پر وار کر پولیس کو ثبوت جمع کروانے کے بعد بھی پاکستان کا انکم ٹیکس ڈپارٹمنٹ حرکت میں نہیں آیا کہ یہ کروڑوں روپے آئے کہاں سے؟؟؟

اس بات کی تصدیق ہوجانے کے بعد کہ رکن صوبائی اسمبلی پچھلے پانچ سال سے غیر قانونی غیر شرعی تعلق میں تھا، اس کے غیر اخلاقی غیر شرعئ کردار کی تصدیق کے بعد بھی اس کو رکن قومی اسمبلی کے عہدے سے معطل کرنے والا کوئی نہیں؟؟؟

کیا پاکستان کے آئین میں صوبائی اسمبلی کا رکن بننے کے لئے باکردار ہونا شرط ہئ نہیں؟؟؟

کردار کشی کرنا تو پاکستان کے گھروں اور میڈیا میں عام ہے لیکن کردار کی بنیاد پر کسی کو قبول کرنا، کسی کو مسترد کرنا، کسی کو عزت دینا اور کسی کو عزت نہ دینا بھی پاکستان میں روایت ہے یا نہیں؟؟؟
جواب ہے، نہیں!!!!

تو آج ایک پاکستانئ مسلمان والدین کس بنیاد پر اپنی اولاد کئ تربیت کریں گے جب ان کے لئے کردار کوئی حیثیت نہیں رکھتا؟؟؟

آج ایک عام پاکستانی مسلمان کس بات سے ڈر کر خود کو گناہوں سے دور رکھنے کئ کوشش کرے گا جب کردار کی کوئی قیمت نہیں رہی کیونکہ کردار کئ بنیاد پر آج کوئی اعلی و ارفع یا ذلیل و رسوا نہیں۔

مغربی ملک میں تو ایک پرائیوٹ کمپنی کے عہدیدار کے لئے باکردار ہونا لازمی ہے۔۔۔۔ تو آج قرآن کے اصول و قوانین پر کون عمل کررہا ہے؟؟؟

شادی سے پہلے مرد و عورت جو کرتے پھریں لیکن شادی کے بعد دنیا کے ہر مذہب ہر قوم ہر ملک کے رہنے والے کا ایک ہی اصول ہے جو قرآن میں درج ہے کہ شوہر اور بیوی ایک دوسرے کے لباس ہیں اور ایک دوسرے سے سکون حاصل کرنے کے لئے شادی کرتے ہیں لیکن شوہر یا بیوی میں سے ایک بھی بےوفائی کرے تو قابل قبول نہیں لیکن پاکستان اور پاکستانیوں کے لئے سب کچھ قابل قبول ہے۔

گورے سرعام شراب پیتے ہیں، جوا کھیلتے ہیں اور زنا کرتے ہیں۔ آج پاکستان کے مسلمان بھی یہ سب کرتے ہیں لیکن چھپ کر۔ دفتروں کی اونچی اونچی بلڈنگوں کی چھت پر بیٹھ کر کونسی محفلیں منعقد ہورہی ہیں؟؟؟ پہلے حکومتی اداروں میں چھپ کر محفلیں ہوتی تھیں۔ اب تو دفتروں میں عام ہے اور بڑی بڑی کوٹھیوں اور فارم ہاؤس میں بھی۔ گورے حرام جانور کا گوشت کھاتے ہیں اور اللہ کو نہیں مانتے۔ ان پانچ کاموں کے علاوہ ہر وہ کام کرتے ہیں جو اللہ مسلمان میں دیکھنا چاہتا ہے اور مسلمان منافقت کا لبادہ اوڑھ کر خود کو بےعمل اعلی و ارفع سمجھتے ہیں لیکن سمجھنے سے کیا ہوگا۔ اللہ تو جانتا ہے۔ دیکھ رہا ہے۔ یہ کس کو دھوکہ دیتے ہی؟؟؟

پورا میڈیا خبریں چمکانے اور مال بنانے میں مشغول ہے لیکن ظاہر جعفر - نور مقدم، عمر حیات - ثناء یوسف، عثمان مرزا - نوجوان جوڑا اور ان کے والدین کی بدکردار اولاد کے غیر شرعی تعلق کو نظر انداز کرنے کی طرح آج بھی کردار کی بات کرنے والا کوئی نہیں؟؟؟

پھر کہتے ہیں ہم پر ظالم حکمران کیوں مسلط ہیں؟؟؟
#ارم

میں اپنی ہر دوسری پوسٹ میں یہ کہتی ہوں کہ ہمارے اباواجداد ہندو سے مسلمان ہوئے۔ انسان اپنے مذہب سے زیادہ ثقافت کے زیر اثر...
24/05/2026

میں اپنی ہر دوسری پوسٹ میں یہ کہتی ہوں کہ ہمارے اباواجداد ہندو سے مسلمان ہوئے۔ انسان اپنے مذہب سے زیادہ ثقافت کے زیر اثر ہوتا ہے۔ اس لئے ہزاروں سال ہندووں کے ساتھ رہنے کے بعد مذہب تبدیل کرلینے کے باوجود ہم آج تک ہندووانہ رسم و رواج، روایات اور طرز زندگی کے پیروکار ہیں۔ ہماری سوچ آج تک ہندووانہ ہے اس لئے ہم پر اللہ کی مزید لعنت ہے کیونکہ اسلام نے صرف بتوں کی پوجا سے نہیں روکا بلکہ اسلامی طرز زندگی کا ایک ایک عنصر ایک ایک حکم اور اصول ہندووانہ طرز زندگی کے عین خلاف ہے۔

اس وڈیو میں ایک ہندو عورت اپنے معاشرے، پدرانہ نظام اور طرز زندگی پر روشنی ڈال رہی ہے اور سوال کررہی ہے کہ عورت مظلوم ہے اور عورت کا اپنا کوئی گھر نہیں۔

جو کچھ یہ عورت بول رہی ہے ایسا لگتا ہی نہیں کہ یہ بھارت کی بات کررہی ہے۔ ایسا لگ رہا ہے کہ یہ پاکستان کی بات کررہی ہے۔ اسلام کے علمبردار تو خوب بڑھ چڑھ کر بولتے ہیں کہ اسلام وہ واحد مذہب ہے جو عورت کو حقوق دیتا ہے اور عورت کی حفاظت کرتا ہے لیکن حقیقت میں آج بھارت میں بیٹھی ہندو عورتوں اور پاکستان میں بیٹھی اکثر مسلمان عورتوں کے حال میں کوئی فرق نہیں جب کہ دونوں کے مذہب مختلف اور ایک دوسرے کے عین خلاف۔

ایسا کیوں ہے؟؟؟؟

وہی ہندووانہ مشترکہ نظام جو آج تک پاکستان میں رائج ہے۔ عورت اپنے شوہر کے نہیں اپنے سسر کے گھر بیاہ کر جاتی ہے جہاں اس کا بیٹا خود اپنے والدین کا غلام ہوتا ہے۔ جب کہ اسلام میں نکاح کے لئے پہلی شرط آذاد ہونا ہے کیونکہ جو مرد آذاد ہی نہیں ہوگا وہ اپنے خاندان کے لئے آذادانہ فیصلے کیسے کرے گا؟؟؟ جب کہ اللہ نے مرد کو یعنی شوہر کو قوام بنایا ہے ساس سسر کو نہیں۔

وہی ہندووانہ رسم و رواج کہ عورت اپنے نامحرم رشتوں کے ساتھ ایک ہی گھر میں رہے گی جہاں نامحرم دیور جیٹھ اور کہیں نامحرم نندوئی کی خدمت بھی کرے گی اور ان کی موجودگی میں سجے گی، سنورے گی، نو مہینے کی حاملہ کا پیٹ نکالے گی اور بچے بھی پیدا کرے گی۔

وہی ہندوانہ مذہبی روایات کہ ان کی بھگوت گیتا اور مذہبی کتابیں عام ہندو نہیں پڑسکتا کیونکہ ہندووں کے مطابق صرف ان کے پجاری یا عالم دین ہی یہ فریضہ انجام دیں گے اور عام ہندووں کو سمجھائیں گے کیونکہ ان کے مطابق عام ہندو کو کتاط سمجھ بھی نہیں آسکتی جب کہ گیتا ہر گھر میں لال کپڑے میں باندھ کر ہر ہندو کے گھر میں کسی اونچی جگہ پر رکھی ہوگی بلکل اسی طرح آج ایک عام مسلمان قرآن نہیں پڑھتا نہ اسے شوق ہے۔ ہر گھر میں قرآن کپڑے میں باندھ کر الماری کے اوپر رکھا ہے لیکن سمجھ کر پڑھنے کی ضرورت کوئی محسوس نہیں کرتا۔ اسی لئے آج جو کچھ نہیں کرسکتا وہ عالم دین بنا بیٹھا ہے۔ سفید کپڑے، داڑھی، پائنچے اونچے اور تھوڑا سا مسخرہ پن یا گالی گلوچ،،،، بن گئے عالم دین۔ کس نے پوچھنا ہے کہ عالم دین نے کیا تعلیمی سند حاصل کی اور کہاں سے حاصل کی۔ مسجدیں خالی اور مدرسے بھرے ہوئے۔

وہی ہندووانہ سوچ کہ والدین بھگوان ہیں کچھ غلط نہیں کرتے۔ انہوں نے جو کہہ دیا وہی پتھر پر لکیر۔ جیسا انہوں نے کہنا ہے ویسا ہی کرنا ہے۔ خاص طور سے شادی کا فیصلہ والدین نے ہی کرنا ہے کیونکہ والدین ہمارا برا نہیں چاہتے اور ہماری زندگی کے لئے ان سے بہترین فیصلہ کوئی اور نہیں کرسکتا چاہے وہ خود نالائق ہوں گمراہ ہوں۔ اس سے بڑی گمراہی کیا ہو کہ انہوں نے خود کبھی قرآن سمجھا نہ ہو اور نہ ہی اپنی اولاد کو سمجھایا ہو۔

وہی ہندووانہ سوچ کہ پتی پرمیشور ہے اور ہر لڑکی کی زندگی کا مقصد پرمیشور کے گھر جانا ہے اور وہاں سے مر کر ہی نکلنا ہے۔ شادی کے بعد اب والدین کے گھر میں بیٹی کے لئے واپسی کا کوئی راستہ نہیں۔ یہ الگ بات ہے کہ اب بیٹی پرمیشور کے اس فریب سے باہر نکل رہی ہے تو طلاقوں کی اور خلاع کی شرح میں اضافہ ہورہا ہے لیکن 1947 سے پہلے مسلمانوں کی ابتر حالت کی وجہ کچھ اور تھی آج کچھ اور ہے لیکن بھارت اور پاکستان میں مقیم مسلمانوں کی حالت زار ابتر ہی ہے اور اس کی وجہ ایک ہے کہ ہم ہندو سے مسلمان ہوگئے لیکن ہم نے اسلام اپنایا نہیں۔
#ارم

https://www.instagram.com/reel/DYMmcGqtJzM/?igsh=MW11OWxiOWZuODN4ag==

Address

Melbourne, VIC
3789

Website

Alerts

Be the first to know and let us send you an email when Erum Morning Star ارم صبح کا ستارہ posts news and promotions. Your email address will not be used for any other purpose, and you can unsubscribe at any time.

Shortcuts

Share