07/05/2025
PJ ACOSTA: BOSES NG BAYAN, KATUWANG SA KAUNLARAN NG AGRIKULTURA AT YAMANG-DAGAT!
Sa bawat pag-ikot ni PJ Acosta sa mga barangay, isang bagay ang malinaw: ang tunay na pagbabago ay nagsisimula sa ugat, sa lupa at dagat na bumubuhay sa ating bayan. Bilang kandidato sa Sangguniang Bayan, dala niya ang konkretong adbokasiya na may malasakit sa kabuhayan ng mangingisda, magsasaka, at bawat pamilyang umaasa sa likas-yaman ng ating komunidad.
PANGANGALAGA SA YAMANG-DAGAT AT PAMAMAHALA NG KATUBIGAN
Hindi sapat ang batas kung walang aksyon. Si PJ ay nangunguna sa panawagan para sa mahigpit na proteksyon sa ating karagatan at pagtuturo ng responsableng pangingisda. Dahil ang dagat ay hindi lang kabuhayan, ito’y pamana sa susunod pang mga henerasyon.
MEKANISASYON SA PAGSASAKA
Panahon na para patuloy na iangat ang antas ng pagsasaka gamit ang makabagong kagamitan. Si PJ ay naninindigang dapat bigyang suporta ang mga magsasaka sa pamamagitan ng makinaryang magpapagaan sa kanilang trabaho at magpapataas ng ani. Hindi puwedeng laging mano-mano sa panahon ng makabago.
ISUSULONG ANG MARINE AQUACULTURE
Habang lumiliit ang huli sa dagat, kailangang lumawak ang alternatibong solusyon. Kaya’t isinusulong ni PJ ang pagpapaunlad ng marine aquaculture, mula sa seaweed farming hanggang sa fish cage culture bilang dagdag kabuhayan ng coastal communities.
PAGPAPATAAS NG PRODUKSYON NG PANANIM PARA SA SAPAT NA PAGKAIN
Para kay PJ, hindi dapat magutom ang mamamayan sa sariling bayan. Kailangan ang suporta sa mga magsasaka upang mapalago ang lokal na ani, mula binhi hanggang ani, upang masigurong may pagkain sa bawat mesa.
PJ Acosta ay hindi pangako ang dala, kundi plano, aksyon, at tunay na serbisyo. Bilang Sangguniang Bayan Member, isusulong niya ang mga panukalang may direksyon, may puso, at may malasakit sa lupa at dagat na ating kinabubuhayan.
PJ ACOSTA para sa SANGGUNIANG BAYAN!
NUMBER 1 SA BALOTA!
