06/10/2012
ÇEREMI, BANORET DHE BREZAT
Çeremi si fshat, bir i fshatit amë Vuthaj, është një fshat i vogel, piktoreks alpin. Nga të dhënat kadastrale të vitit 1990 ka 34 ha tokë, nga të cilat 29 ha tokë bujqësore e 5 pemtore.
Numri i popullsisë më 1926-en ishte 115 banorë, në vitin 1984 kishte 397 banorë, në 1990 kishte 279 banorë e 78 ekonomi, 149 meshkuj e 130 femra, në 1997 kishte 305 banorë e 99 ekonomi.
Në Çerem kanë jetuar e jetojnë këto vllazni:
- Ismailisufajt, janë pasardhes të Ismail Isufit e të Sadri Isufit, (Istrefajt), (mbiemri është marrë nga Smajl Isufi vëllai i madh). Smajl Isufi e Sadri Isufi janë të Isuf Smajlit të Smajl Alimetit, të Ahmet Nikës. Smajl Isufi vëllai i madh i ka pas 7 djem: Halilin, Mulen, Plaven, Beqirin, Haxhen, Tahirin e Nuren, nga ku rrjedhin grupimet e sotme: Halilajt, Mulajt, Plavajt, ose (Shtëpia e madhe), Beqirajt, Haxhaj, në Vuthaj Zymer Haxha e Riz Zymeri e Tahiri e Nurja që nuk kan lan ka.
Sadri Isufi ka pasë një djalë Istref Sadrin, nga ku rrjedhin Istrefajt e sotem, ose Lugu i Vidhave, si vënd.
- Muratajt janë vllaznia e dytë mas Smajlisufajve, janë të Murat Smajlit të Smajl Ahmetit të Ahmet Nikës. Murati ka pasë dy djem, Smajlin e Islamin, të Smajlit janë Bekajt dhe të Islamit janë Muratajt, e tjerë. Vlen per të hulumtuar se si dy vllezer, Murat Smajli e Isuf Smajli i kanë djemt me të njëjtin emer, Smajl Murati e Smajl Isufi? Të pyeturit, shprehen me siguri per emrat, dhe e spjegojnë me diferencë kohe, të brezave të dy vllaznive, Isufajt dhe Muratajt janë të Ahmetaj, gjithashtu të Ahmetaj dalin edhe Sylshabanajt, një vllazni e vogel të Shaban Smajlit të Smajl Ahmetit.
- Vllaznia Çelaj në Çerem, kanë prejardhjen nga Ulë Nika, vëlla me Ahmet Niken.
- Dedushajt janë të Ded Ndrelit, vëlla me Nik Nrelin.
- Vllaznia Goçaj, për të cilen pak dimë, disa thonë se janë të ardhur, e disa bëjnë lidhje të tjera. Si te Ded Nreli per, por të pyeturit këtu, nuk i dimë vetem sa permbajnë tabelat, por per ta duhet me hulumtuar më teper në Vuthaj.
Per plotësimin e tabelave të brezave janë shfrytezuar libri “Vuthaje e Vuthjanët”, si dhe libri “Tropoja në breza” fletet e te cilit po ti dergoj; i autorit Ibrahim Kadri Malaj. Gjithashtu janë pyetur e biseduar me; Ali Brahim Çela, Hysni Tunxh Dedushi, Smajl Ujkan Murati, Ram Rexhep Isufaj, Muhamet Muje Isufaj, Sali Syle Isufaj, Din Bajram Ahmetaj, Isa Rrustem Ahmetaj, Ali Brahim Murataj, Ram Bajram Goçi, Dem Ali Goçi, Beqir Niman Goçi, Imer Muje Isufaj, Daut Ibish Murati, Idriz Zeqir Sylshabanai etjer.
Këtu çdo gjë është shkruar pasi është saktësuar nga pohimet gojore duke mos pasur dyshime. Te dhenat me librat ndryshojnë pak me tabelat tona, pra mendojmë që pasi të sigurojmë per saktesinë e tyre të bëhen ndryshimet: Kjo per tabela, renditja në tabela është bazë siç më është dukur mua e kuptueshme dhe më e lehtë, por pas disketimit mund të grupohen edhe më mirë.
Kaq kemi mundur të bënim, duke kerkuar ndjesë per vonesen.
Ju urojmë gjithë të mirat.
Me respekt
Hazir Isufaj
