31/12/2025
Në prag të vitit 2026 kam shumë gjëra për të thënë dhe shumë njerëz për të falënderuar, lista do të ishte e gjatë.
Por këtë moment, në kufirin mes viteve, dua t’ia dedikoj trajneres sime, Elida Motro .
Ajo është ideatorja e një projekti shumë interesant që do ta bashkë-drejtojmë dhe që do të lançohet në fillim të vitit 2026. Pavarësisht kostove dhe pasojave që solli shkëputja ime dyvjeçare, Elida më priti dhe më dha mundësinë ta vijojmë atë që nisëm dikur bashkë.
Kjo për mua nuk është thjesht vlerësim, është një besim i niveleve të larta.
Unë mund ta them me bindje që Elida është trajnerja më e mirë personale që kam pasur ndonjëherë. Edhe pse shpesh duket sfiduese, çdo fjalë e saj merr kuptim në momentin e duhur, dhe ti e gjen veten duke thënë:
“Ahaaa… prandaj ma tha atë këshillë që atëherë nuk e mora aq seriozisht!”
Nëse keni dikë me përvojë vite dhe mençuri, me të cilin këshilloheni, mbajeni pranë. Udhëzohuni gjithmonë nga njerëz të tillë, sepse dështimet bëhen më të buta, e ringritja më e lehtë, në këtë udhëtim që quhet jetë. ✨
