Lidhja Demokratike e Gruas së Shqipërisë (LDGSH) është një organizim vullnetar i grave shqiptare të bashkuara mbi bazën e parimeve dhe të vlerave të liberaldemokracisë në Shqipëri. LDGSH është një organizatë partnere e Partisë Demokratike të Shqipërisë (PDSH). LDGSH ka si qëllim të veprimtarisë së saj promovimin dhe përhapjen e vlerave e të parimeve të botëkuptimit liberaldemokrat, pasqyrimin dhe
propagandimin e tyre, të shprehura në platformat dhe programet e PDSH; edukimin dhe rrënjosjen në shoqërinë shqiptare të vlerave themelore të një shoqërie të bazuar mbi mbrojtjen e gruas nga dhunimi e degradimi moral, si dhe evidentimin dhe propagandimin e vlerave tradicionale morale të familjes dhe gruas shqiptare. LDGSH synon me veprimtarinë e saj të zhvillojë të drejtat e individit në tërësi dhe të gruas në veçanti. LDGSH për të arritur qëllimet e saj vepron në rrugë demokratike në përputhje me programin e saj dhe programin e Partisë Demokratike të Shqipërisë (PDSH). LDGSH përfaqëson interesat politike të anëtarësisë së vet; kujdeset për zbatimin e politikave të PDSH-së, në kuadër të bashkëpunimit partnerial, promovon pjesëmarrjen e grave demokrate në strukturat politikëbërëse dhe vendimmarrëse të PDSH-së, si dhe angazhimin e tyre në funksione politike
