We support artists & rivers under pressure, linking local & diaspora communities through Art & Music, Nature, Equality, Heritage & Memory for an equitable future. Kjo faqe ka për qëllim të shërbejë si vend orientimi për të gjithë ata që dëshirojnë të protestojnë artistikisht kundër ndërtimit të HEC-eve në lumin e Valbonës, dhe kundër ligjit për importin e plehrave. Drejtuar: të gjithë artistëve sh
qiptarë e të huaj, që dashurojnë Shqipërinë, natyrën e saj mrekullore, e cila sot vuan nga pakujdesia dhe papërgjegjshmëria, por që kërcënohet edhe më shumë nga arbitrariteti dhe dritëshkurtësia e politikës. Të gjithë atyre individëve që duan të jetojnë dhe të rrisin fëmijët e tyre në Shqipëri, me TOKË, UJË, AJËR dhe JETË të pastër, pa plehra, pa ndotje. Qëllimi: koncerte, ekspozita pikturash, ekspozita fotografike, instalacione, lexime poezish, mbrëmje vallëzimesh të llojeve të ndryshme, e ç’t’i dojë shpirti secilit e secilës. Shënim: të gjitha këto veprimtari do të dhe duhet të jenë benefitare, PA QËLLIM PËRFITIMIN, ku gjithsecili kontribuon me atë që i dikton ndërgjegjja e vet qytetare dhe artistike, në masën dhe formën që dëshiron dhe mundet. Kjo përpjekje është e PA VARUR NGA ASNJË FORCË POLITIKE, do të shoqërohet vetëm nga Flamuri i shqiptarëve. Vendet: Lugina e Valbonës, dhe çdo shesh qyteti, qyteze, fshati e vendbanimi, kudo ku ka artistë profesionistë e amatorë, qytetarë që duan TOKËN, UJIN, AJRIN, JETËN! Koha: 29 tetor – Valbonë; 30 tetor – Tiranë.
