Zgjedhja e kryetarit të partisë do të bëhet qysh në fillim sipas parimit “një anëtar një votë”. Kryetari do të ketë mandat të kufizuar, me të drejtë rizgjedhje vetëm një herë. Po ashtu edhe kryetarët e degëve të rretheve. Do të vendoset me themel standarti demokratik i munguar në partitë e tjera shqiptare i debatit të hapur dhe respektimit të diversitetit të mendimit deri në legjitimimin me statut
të korenteve të ndryshme, mbështetur në kriteret dhe përvojën e partive popullore në vendet e Bashkimit Europian.Do të zbatohet me rigorozitet parimi i diskriminimit pozitiv, për të siguruar një prani të gjerë dhe reale të gruas dhe të rinisë në strukturat drejtuese të partisë si dhe në grupin e saj të ardhshëm parlamentar.
