Zija Ismaili

29/05/2026

Një akt kriminal i Ministrisë së Shëndetësisë ndaj fëmijëve dhe të rinjve shqiptarë! Me vendime të turpshme po i hapet rruga terapive të ndryshimit të seksit, të financuara 100% nga qeveria. Ndërkohë pensionistët nuk marrin dot ilaçet, spitalet janë pa shërbim dhe qytetarët lihen të vuajnë.
Për të shkatërruar familjen shqiptare p***a para, por për të shpëtuar jetët e njerëzve jo! Kjo është fytyra e vërtetë e kësaj qeverie.
Zgjohuni shqiptarë, sepse po godasin gjënë më të shtrenjtë që kemi: fëmijët dhe familjen!
Dëgjoni intervistën time te “Kafe Shqeto” me Flavio Qarri.

28/05/2026

Sot, në dëgjesën me kryetarët e bashkive të qarkut të Beratit në Komisionin e Reformës Territoriale, ngrita qartazi problematikat reale që po vuajnë bashkitë dhe qytetarët çdo ditë.

Shumë fshatra janë lënë në harresë, administrimi është i dobët dhe shërbimet ndaj qytetarëve janë në nivele të papranueshme. Ndërkohë, njerëzit vazhdojnë të braktisin vendin çdo ditë.

Dhe kjo nuk vjen nga mungesa e stafit. Përkundrazi, administrata është fryrë për interesa politike e elektorale, vetëm për të mbushur zyrat me militantë dhe për të blerë vota. Sot ka më shumë punonjës se kurrë, por më pak përgjegjësi dhe më pak shërbim për qytetarët.

Përgjigjet që morëm ishin pa përgjigje. Ajo që thonë në fillim, nuk përputhet me atë që thonë në fund. Fjalë pa logjikë, justifikime pa zgjidhje dhe asnjë përgjegjësi për gjendjen ku është katandisur pushteti vendor.

Qytetarët meritojnë transparencë, zhvillim dhe një administratë që punon për ta, jo për propagandë politike.

Ndiqni videon deri në fund.

27/05/2026

Gëzuar Kurban Bajramin të gjithë besimtarëve myslimanë! 🤍

Kjo festë e shenjtë sjelltë paqe, shëndet, begati dhe harmoni në çdo familje shqiptare. Uroj që sofrat të jenë plot me dashuri, zemrat me mirësi dhe shtëpitë me lumturi.

Le të na afrojë më shumë me njëri-tjetrin, me respekt, falje dhe solidaritet.

Gëzuar Bajramin!

23/05/2026

Mbyllet procesi i numërimit të votave në degën e Partisë Demokratike Berat.

Rizgjidhet kryetari i Partisë Demokratike të Shqipërisë Prof. Dr. Sali Berisha.

Dega e Partisë Demokratike Berat falënderon çdo anëtar dhe mbështetës që u bë pjesë e këtij referendumi, duke dëshmuar edhe një herë besimin, përkushtimin dhe vlerat demokratike në forcimin e Partisë Demokratike.

Mirënjohje për pjesëmarrjen dhe kontributin e secilit në këtë proces të rëndësishëm demokratik!

22/05/2026

Të dashur qytetarë dhe demokratë,
Ditën e shtunë, më 23 maj, zhvillohet referendumi për kryetarin e Partia Demokratike, zotin Sali Berisha.
Votimi do të zhvillohet në çdo degë të Partisë Demokratike, nga ora 08:00 deri në 18:00. Ky është një moment i rëndësishëm për demokracinë dhe për zërin e çdo demokrati. �
Të marrim pjesë masivisht!
Çdo votë ka rëndësi.
Çdo demokrat duhet të jetë pjesë e këtij vendimi.
Më 23 maj, të tregojmë forcën, bashkimin dhe vendosmërinë tonë! 🇦🇱💙

21/05/2026

Peter Sørensen Ibar e tha qartë atë që qeveria mundohet ta fshehë prej vitesh: në Shqipëri nuk ka më garë të barabartë politike. Bashkimi Evropian kërkon ndalimin e keqpërdorimit të shtetit, administratës dhe parasë publike për interesa elektorale, si edhe goditjen e rrjeteve patronazhiste që janë kthyer në mekanizëm presioni ndaj qytetarëve.
Mesazhi është i qartë: zgjedhjet nuk mund të manipulohen me pushtetin shtetëror dhe demokracia nuk mund të mbahet peng nga një qeveri që përdor administratën, frikën dhe propagandën për të mbajtur pushtetin. Prandaj, kërkohet një reformë zgjedhore reale dhe një Komitet Parlamentar ndërpartiak që të garantojë dialog të vërtetë politik dhe standarde europiane, jo fasadë dhe mashtrim para shqiptarëve.

20/05/2026

20/05/2026

Në mbledhjen e Grupit Parlamentar të Partia Demokratike u zhvilluan diskutime të rëndësishme mbi situatën politike në vend, reformën territoriale dhe sfidat me të cilat përballen qytetarët shqiptarë. 🇦🇱
Gjatë mbledhjes u theksua se Partia Demokratike do të paraqesë një projekt të ri për ndarjen territoriale, më efikas, më përfaqësues dhe më pranë nevojave reale të qytetarëve, duke synuar zhvillim të balancuar për çdo zonë të Shqipërisë.
Po ashtu, PD rikonfirmoi angazhimin e saj për të zbatuar çdo rekomandim të Komisionit të Reformës Zgjedhore, në funksion të garantimit të standardeve demokratike dhe zgjedhjeve të lira e të ndershme në vend.

14/05/2026

Sot në Parlamentin e Shqipërisë, deputetët votuan pro rezolutës për avancimin e procesit të anëtarësimit të vendit në Bashkimin Europian. Ky votim tregoi edhe një herë se opozita është gjithmonë e gatshme të mbështesë çdo iniciativë që i shërben interesit kombëtar dhe të ardhmes europiane të shqiptarëve. Sepse integrimi europian nuk është pronë e një partie politike, por aspiratë dhe objektiv i gjithë kombit shqiptar.

Deputetët e opozitës kanë qenë dhe do të jenë gjithmonë të gatshëm për çdo nismë që i shërben qytetarëve shqiptarë, brenda dhe jashtë vendit. Shqipëria ka nevojë për bashkim rreth interesit kombëtar, jo për propagandë boshe dhe fasadë politike.

Shqiptarët nuk harrojnë se ishte Partia Demokratike ajo që realizoi arritje historike për vendin: anëtarësimin në dhe liberalizimin e vizave. Këto nuk ishin premtime propagandistike, por hapa konkretë që ndryshuan jetën dhe të ardhmen europiane të shqiptarëve.

Ndërsa sot, pas viteve të qeverisjes te kësaj bande kriminale , Shqipëria përmendet gjithnjë e më shumë për korrupsionin, lidhjet me krimin, kapjen e institucioneve dhe largimin masiv të qytetarëve. Dhe këto nuk janë vetëm akuza të opozitës, por shqetësime të ngritura vazhdimisht edhe nga vetë partnerët europianë.

Shqipëria meriton të ecë drejt Europës me dinjitet, me drejtësi dhe me standarde reale europiane, jo të mbahet peng nga korrupsioni dhe propaganda politike.

12/05/2026