17/04/2026
د والدینو لپاره مهم پیغام
انرژي مشروبات او ډېرې خوږې نوشابې د ماشومانو لپاره مناسبې نه دي. دا رښتینې انرژي نه ده، بلکې د بدن لپاره فشار جوړوي.
د علم له مخې، کافئین د زړه درزا زیاتوي، ډېر شکر د چاغښت او شکر ناروغۍ سبب ګرځي، او خراب خوب د ماشوم د مغز پر وده منفي اغېز کوي. همدارنګه، دا مشروبات کولی شي اضطراب او بېقراري هم زیاته کړي.
د World Health Organization او American Academy of Pediatrics سپارښتنه دا ده چې تر ۱۸ کلونو کم عمره کسان دې له دې مشروباتو څخه ډډه وکړي.
ښه دا ده چې ماشومانو ته اوبه، شیدې او طبیعي جوس ورکړل شي. مه پرېږدئ چې اعلانونه ستاسو د ماشوم روغتیا ته زیان ورسوي
، ځکه د ماشوم روغتیا تر هر څه مهمه ده.
دا پیغام له نورو سره هم شریک کړئ
