Prophet Muhammad - pbuh

08/05/2018

استغفر الله وأتوب إليه�Astaghfirullaha wa atūūbu ilai(hi)�I seek the Forgiveness of Allah and repent to Him

27/12/2017

Share for others

16/12/2017

14/12/2017

Share it

18/10/2017

Please share it

11/04/2015

د هر کار له پاره مهمي لارې چارې

په ژوند کې چې هر کار کوئ له هغه مخکې دا لاندې اسلامي لارې چارې خپلې کړئ:

احتیاط او سوچ وفکر :
د دنیا هر کار ته چې اقدام کوئ په بیړه یې مه کوئ، لومړی یې په اړه پوره سوچ او فکر وکړئ، په حدیث کې راغلي رسول الله صلی الله علیه وسلم فرمایي: اخرت ته له تیاري پرته په نورو ټولو چارو کې احتیاط او سوچ کوئ . (ابوداود).

مشوره :
هرکارته چې اقدام کوئ د هغه کار له ماهرو خلکو سره په ډاډه زړه مشوره وکړئ . قران کریم رسول الله صلی الله علیه وسلم ته وایي: او له دوی سره مشوره وکړه . {و شاورهم في الأمر}.

استخاره:
هرکار چې مو په مخکي وي د هغه له پاره استخاره نبوي سنت ده ، ماخستن دوه رکاته لمونځ وکړئ او د استخارې مخصوصه دعا ووايئ. صحابه کرام وایي: رسول الله صلی الله علیه وسلم به په هرکار کې موږ ته استخاره راښووله .

کلک هوډ:
دهر کار له پاره کلک هوډ کول د کار د ترسره کولو له پاره مهم شرط دی، که تاسو هرڅومره ښه رایه او کره نظر لرئ خو چې هوډ او عزم مو ځواکمن او قوي نه وي کار نه شئ تر سره کولئ .

توکل:
کله مو چې دا لوړي لارې چارې ټولې ترسره کړې له هغه وروسته په الله توکل وکړئ ځکه د هغه له مرستې پرته هیڅ هم نه شو ترسره کولی . قرانکریم رسول الله صلی الله علیه وسلم ته وایي: کله چې دي کلک هوډ وکړ نو په الله توکل وکړه ،{فإذا عزمت فتوكل على الله}.

له الله نه د توفیق غوښتنه:
رسول الله صلی الله علیه وسلم به دا دعا کوله : خدایه ماته سمه لاره وښیه او د کره توب مرسته مې وکړه ،(اللهم اهدني وسددني)، کار ته له اقدام کولو وروسته د کار سختي او ګڼ پړاوونه انسان لږځواکه کوي او سستې په کې پیدا کیږې . او د هر کار په پیل او جریان کې له الله نه د توفیق غوښتنه د کار په ترسره کولو کې د انسان هوډ پیاوړی کوي.

یادونه: که غواړئ دا ډول ښایسته لیکني مو پروال خپرې شي او مسلمانانو ته ګټه ورسوئ د الله په لور پروګرام کې ګډون وکړئ، د ګډون له پاره دا لینک کلیک کړئ: http://zdakra.com/pand/.

10/04/2015

په یوه بل کې خبري مه کوئ

عبدالله بن مسعود رضی الله عنه وایي: کله چې ستاسو کوم ورور ګناه وکړي، نو د هغه پرضد د هغه له شیطان سره مرسته مه کوئ او هغه داسې چې تاسو د هغه په اړه وایئ: خدایه ته هغه وشرموه او په هغه دي دالله لعنت وي. بلکي له الله نه د عافیت او سلامتیا سوال کوئ. دی وایي: موږ د رسول الله صلی الله علیه وسلم ملګرو به په یوه بل کې هیڅ خبره نه کوله، ترڅو به د هغه د مرګ په حالت خبر شوو، که به یې خاتمه په ښه عمل وشوه موږ به پوه شوو چې په ښه لار ولاړ او که به یې خاتمه په بد عمل شوه موږ به په هغه ویریدلو. حلیة الأولیاء لأبي نعیم الأصبهاني.

یادونه: که غواړئ دا ډول ښایسته لیکني مو پروال خپرې شي او مسلمانانو ته ګټه ورسوئ د الله په لور پروګرام کې ګډون وکړئ، د ګډون له پاره دا لینک کلیک کړئ: http://zdakra.com/pand/

08/04/2015

د شک او وسوسې علاج

یوه هوښیار ته یوه سړي وویل: شیطان راته وايي: تا خپله ښځه طلاقه کړې ده، دا او ها دي کړي دي او شکونه او وسوسې رااچوي، هوښیار ورته وویل: ته خو پرون ما ته راغلې او زما مخکي دي ښځه طلاقه کړه؟! سړي ورته وویل: په والله که زه پرون تا ته بیخي راغلی یم او نه مې ښځه طلاقه کړې ده، دا نن درته راغلم!، هوښیار ورته وویل: کله چې شیطان درته راشي همداسې قسم ورته وکړه لکه ماته چې دي وکړ، نو خیر خیرت به وي. رسول الله صلی الله علیه وسلم ته الله جل جلاله فرمایي چې د شیطان له وسوسو نه پناه غواړه، مِن شَرِّ الْوَسْوَاسِ الْخَنَّاسِ، او داراز په حدیثو کې راغلي چې د الله په ذکر سره د شیطان وسوسې دریږي، نو د شیطان له وسوسو نه د ځان ژغورلو له پاره دا دری ګټوري لاري دي: کلک هوډ کول، له الله نه پناه غوښتل او د الله ذکر کول.

یادونه: که غواړئ دا ډول ښایسته لیکني مو پروال خپرې شي او مسلمانانو ته ګټه ورسوئ د الله په لور پروګرام کې ګډون وکړئ، د ګډون له پاره دا لینک کلیک کړئ: http://zdakra.com/pand/

07/04/2015

کیسه او حدیث شریف

حجاج بن یوسف ته یو بندي راوستل شو، حجاج پوښتنه ورنه وکړه: څه جرم دي کړی دی؟ بندي وویل: ښاغلی امیر! که دروغ سړی خلاصوي نو رښتیا یې لا ښه خلاصوي، زه ستا د شپې پولیسو نیولی یم او پوښتلی یې نه یم، حجاج ورته وویل: خپله کیسه وکړه، هغه ورته وویل: زما یو ګاونډی دی هغه څه موده د خدمت له پاره خراسان ته تللی دی، د هغه ښځه پر ما مینه وه خو زه نه وم خبر، آبله ورځ یې څوک راولیږه چې د ملګري لیک دي راغلی دی راته ویې لوله، ورغلم لیک مې ورته ولوست خو د ښځي حالت سم نه شو راته ښکاره، خبري یې راته اوږدې او خوږې کړې آن تر ماښامه یې وځنډولم.
ماښام یې په ډکه خوله راته وویل چې بدکاري به راسره کوې ما انکار وکړ دې راته وویل: که دا کار ونه کړې زه به چیغه کړم چې زما کور ته غل راوښتی دی، په دې خبره یې زه وویرولم، ورته ومې ویل: سمه ده لیږ صبر وکړه چې ماخستن شي، ماخستن لمونځ مې وکړ په یوه پلمه له کوره راووتلم، او رامنډه مې کړه، په الله قسم کوم امیر صاحب له ملګري او ګاونډي سره خیانت کول له مرکه سخت راته ښکاریده، د هغې له کوره مې چې منډي راوهلې پولیسو ونیولم او دا ده تر دې ځایه راورسیدلم. حجاج د هغه په خبرو باور وکړ او د هغه د خلاصولو امر یې وکړ. أخبار النساء» [ص/ 52]، لابن الجوزي.

ګناهونه او جرمونه کم او لوی، لیږ سخت او ډېر سخت وي د بیلګي په توګه زنا څو ډوله ده، د بې واده حالت زنا سزا معلومي درې دي، د واده د حالت زنا سزا رجم ده، داراز د ځواني په نسبت په سپینږیرتوب کې زنا ډېر جرم ده او د نورو خلکو په نسبت د ګاونډي له میرمني سره زنا سخت جرم دی، لکه په حدیث کې راغلي یوه صحابي رسول الله صلی الله علیه وسلم ته وویل: تر ټولو لویه ګناه کومه ده؟ هغه دوه نور ګناهونه او دریمه لویه ګناه یې د ګاونډي له میرمني سره زنا ورته وښووله: ثم أن تزاني حليلة جارك. أخرجه مسلم، 1/ 90, برقم: 86.

یادونه: که غواړئ دا ډول ښایسته لیکني مو پروال خپرې شي او مسلمانانو ته ګټه ورسوئ د الله په لور پروګرام کې ګډون وکړئ، د ګډون له پاره دا لینک کلیک کړئ: http://zdakra.com/pand/

06/04/2015

له عبرت ډکه کیسه

د تعمیراتو انحنیر ډېر کلونه په یوه کمپنۍ کې کار کاوه، په عمر چې پوخ شو نیت یې وکړ نور کار پرېږدي او خپلي کورنۍ ته ځان خلاص کړي، د کمپنۍ مشر ورته وویل: سمه ده په یوه شرط به له کاره رخصتي درکوم او هغه دا چې موږ ته یو ښه کور جوړ کړه کله چې هغه سرته ورسوې تا ته احازه ده، انجنیر صاحب له مجبوري په نه زړه خبره ورسره ومنله او په کور یې پیل وکړ، په بیړه او بې اتیاتي یې د کور کار روان کړ څو ژر له کاره ځان خلاص کړي، د بیړي او ځان خلاصولو کار خو تش تپل یې، په کم وخت کې یې کور سرته ورساوه او د کمپنۍ مشر ته یې کیلیاني وسپارلې، د کمپنۍ مشر ورته موسکی شو او زیاته یې کړه: له کمپنۍ سره ستا د اوږده کار او خدمت په بدل کې دا کور تا ته په تحفه کې در کوو، انجنیر صاحب ټکر وخوړ او هک حیران پاته شو او پخپله بیړه او بیخونده کار سخت پښیمانه شو، چې پخپل لاس یې د ځان له پاره د ټول عمر کور څومره بې کاره جوړ کړ.

بلاتشبیه دا کیسه د مسلمان هغه عبادت ته ورته ده چې بې له توجه یې په بیړه سره کوي، زموږ عبادت په اخیر کې زموږ خپله پانګه ده الله جل جلاله زموږ عبادت ته هیڅ اړتیا نه لري، هغه زموږ له هرشي بې پروا دی، زموږ ډېری خلک په ځانکړې توګه د اسلام د ستر رکن لمانځه په اړه بې پروایي کوي او په بیړه ځان ورنه خلاصوي، لمانځه ته د توجه له پاره د نبوي حدیث دا جمله هم کافي ده چې یوه صحابي ته یې د هغه د لنډ نصیحت غوښتلو په ځواب کې وفرمایله: کله چې لمانځه ته ولاړ شې داسې یې کوه لکه دا چې دي د ژوند اخیري لمونځ وي. إذا قمت في صلاتك فصل صلاة مودع. احمد وابن ماجه.

یادون: که غواړئ دا ډول ښایسته لیکني مو پروال خپرې شي او مسلمانانو ته ګټه ورسوئ د الله په لور پروګرام کې ګډون وکړئ، د ګډون له پاره دا لینک کلیک کړئ: http://zdakra.com/pand/

05/04/2015

مشهور اموي خلیفه عبد الملک بن مروان ته یوه سړي وویل: پټه خبره درته کوم، هغه ورته وویل: کوه، خو ګوره! دروغ به نه وایې، غیبت او چاپلوسي به نه کوې، هغه ورته وویل: ښه نو زه ځم اجازه را کړه.

که رښتیا له دروغو، غیبت او چاپلوسي کرکه لرئ دا کیسه ګۍ خپلو مشرانو ته خامخا ورسوئ.

یادونه: د الله په لور پروګرام ستاسو فېسبوک وال ته په زړه پوري، کره او ګټور معلومات درلیږدوي لطفاً د دې لینک له لاري په دې پروګرام کې ګډون وکړئ: http://zdakra.com/pand/

04/04/2015

ورځنۍ صدقې

ابو هریره رضي الله عنه وایي رسول الله صلی الله علیه وسلم فرمایلي دي: هره ورځ چې لمر راخیږي د خلکو په هر يوه بند صدقه واجب ده، که د دوو کسانو ترمنځ په انصاف فيصله وکړي دا صدقه ده، که د چا سره په سپرلى کي مرسته وکړي سپوريې کړي یا څه سامان ورسره پورته کړي دا صدقه ده، او خوږه او نرمه خبره صدقه ده، او هر قدم چي د لمانځه له پاره جومات ته اخلي دا صدقه ده، او د لاري څخه د تکليف شي لري کول صدقه ده. عَنْ أَبِي هُرَيْرَةَ ، رَضِيَ اللَّهُ عَنْهُ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : كُلُّ سُلَامَى مِنَ النَّاسِ عَلَيْهِ صَدَقَةٌ كُلَّ يَوْمٍ تَطْلُعُ فِيهِ الشَّمْسُ : تَعْدِلُ بَيْنَ اثْنَيْنِ صَدَقَةٌ ، وَتُعِينُ الرَّجُلَ فِي دَابَّتِهِ ، فَتَحْمِلُهُ عَلَيْهَا ، أَوْ تَرْفَعُ لَهُ عَلَيْهَا مَتَاعَهُ صَدَقَةٌ ، وَالْكَلِمَةُ الطَّيِّبَةُ صَدَقَةٌ ، وَبِكُلِّ خُطْوَةٍ تَمْشِيهَا إِلَى الصَّلَاةِ صَدَقَةٌ ، وَتُمِيطُ الْأَذَى عَنِ الطَّرِيقِ صَدَقَةٌ . رَوَاهُ الْبُخَارِيُّ وَمُسْلِمٌ .

یادونه: د الله په لور پروګرام ستاسو فېسبوک وال ته په زړه پوري، کره او ګټور معلومات درلیږدوي لطفاً د دې لینک له لاري په دې پروګرام کې ګډون وکړئ: http://zdakra.com/pand/