15/07/2025
د ولسي شاعر مطیعالله تراب د مړینې له امله د خواخوږۍ پیغام!!!
په ژور تاسف او دروند درد سره مو خبر ترلاسه کړ چې د ادب، فکر، ژبې، او ملي شعور تکړه مبارز مطیعالله تراب د زړه د حملې له امله له دې نړۍ سترګې پټې کړې.
مطیعالله تراب یوازې یو شاعر نه و، بلکې یو فکري لوری، یو ولسي بیدارګر، او د بدلون ژبه وه. هغه په خپلو اشعارو کې د ناورین، اشغال، نابرابرۍ او بیعدالتۍ پر وړاندې د مقاومت او هیلې څراغ بل ساتلی و. هغه نسل ته پیغام ورکوه، د ملت ضمیر ته یې غږ کاوه، او د وجدان په تله کې یې حقیقت تلله.
بدلون کاروان د ښاغلي تراب مړینه د فکري حرکت، ملي بیدارۍ او ولسي ادبیاتو لپاره ستره ضایعه ګڼي. دا کاروان د هغه ژوند، فکر او مبارزې ته د درناوي سر ټیټوي او د هغه اروا ته د جنت، او کورنۍ ته یې د صبر دعا کوي.
مطیعالله تراب تللی، خو غږ به یې ژوندی وي. فکر به یې نه مرګیږي. بدلون به روان وي، ځکه چې دی زموږ د بدلون له کاروان سره و.
انا لله و انا الیه راجعون
په درناوي،
بدلون کاروان
